Հիմնանորոգվել է Մ-10, Սևան-Մարտունի-Գետափ միջպետական նշանակության ավտոճանապարհի կմ1+000-կմ17+000 հատվածը (բացառությամբ կմ2+800-կմ5+300, կմ5+750-կմ5+886 և կմ6+850-կմ7+034 հատվածների)։ 13.18կմ երկարությամբ ճանապարհահատվածը սկսվում է Լճանշեն բնակավայրի մոտից և հասնում մինչև Ծովազարդ։

 

Ճանապարհն ունի երթևեկության բավականին մեծ ինտենսիվություն‚ և կարևոր էր Սևանի ու Գավառի տարածաշրջանները միմյանց կապող այդ ճանապարհահատվածի բարեկարգումը։ Կապալառու կազմակերպությունը՝ «Լեոպոլդ և ընկեներ» ՍՊԸ-ն‚ հիմնանորոգման շրջանակում կատարել է հողային աշխատանքներ‚ տեղադրել է երկշերտ ասֆալտբետոնե ծածկ‚ կառուցվել են իջատեղեր ու մուտքեր‚ նորոգվել են նաև ճանապարհին առկա արհեստական կառուցվածքները։ Ճանապարհը կահավորվել է անվտանգության տարրերով‚ գծանշումը կատարվել է ջերմաթաղանթով (տերմոպլաստ)։ Ճանապարհի որոշ հատվածներում տեղադրվել են աղմկոտ գոտիներ։ Շինաշխատանքների տեխնիկական հսկողությունը կատարել է «Հալդի Քոնսալթ» ՍՊԸ-ն։

 

Հիմնանորոգումը կատարվել է ՀՀ պետական բյուջեի միջոցներով։