Աշխատանքային այց՝ Իրանի Իսլամական Հանրապետություն

16-05-2022
«Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը ՀՀ տարածքային կառավարման և ենթակառուցվածքների նախարար Գնել Սանոսյանի ղեկավարած պատվիրակության կազմում գտնվում է Իրանի Իսլամական Հանրապետությունում։
 
Այցի ընթացքում կայացել է հանդիպում Իրանի ճանապարհների և քաղաքաշինության նախարար Ռոսթամ Ղասեմիի հետ:
 
Նախարարի հետ առանձին հանդիպումից հետո տեղի է ունեցել ընդլայնված կազմով հանդիպում։ Քննարկվել են ընդհանուր բնույթի հարցեր՝ տեղեկատվության փոխանակման, իրանական ընկերությունների՝ Հայաստանում աշխատանքներ իրականացնելու հնարավորությունների, ինչպես նաև այլ թեմաների վերաբերյալ։ անդրադարձ է եղել նաև բեռնափոխադրումներին առնչվող հարցերի։ Արձանագրվել են առկա խնդիրները, և պայմանավորվածություն է ձեռք բերվել վերացնելու խոչընդոտները, որպեսզի երկու երկրների միջև մեծանա ապրանքաշրջանառության ծավալը։
 
Նախարար Սանոսյանն ընդգծել է, որ Հայաստանն այդ ուղղությամբ ակտիվ աշխատանք է տանում․ «Այս համատեքստում մենք շատ կարևորում ենք Սյունիքում կառուցվող ճանապարհները, հատկապես Հյուսիս-հարավ ճանապարհային միջանցքի Սյունիքի հատվածը, որի կառուցումից հետո երթևեկն իրանական բեռնատարների համար ավելի հարմարավետ կդառնա, կկրճատվի ճանապարհի երկարությունը»,- ասել է նախարարը։
 
ԻԻՀ-ի Ճանապարհների և քաղաքաշինության նախարարի տեղակալ Դարիուշ Ամանի ուղեկցությամբ հայաստանյան պատվիրակությունն այցելել է Իրանի ճանապարհների կառավարման կենտրոն, որտեղ ներկայացվել են Իրանի ճանապարհների տեսահսկման, սպասարկման, բեռնատարների կշռման գործընթացները։

Վերջին նորությունները

Մ-6 միջպետական ճանապարհի հիմնանորոգումն ավարտական փուլում է

06-02-2023

Հիմնանորոգված ճանապարհը կբարելավի նաև տարածաշրջանի բնակիչների կյանքի որակը, կավելանան տուրիստական հոսքերը, երթևեկության ինտենսիվությունը, կմեծանա բեռնափոխադրումների ծավալը։

Կարդալ ավելին

Ճարտարագիտության ամառային դպրոցի 2 մասնակից կվերապատրաստվի Հռոմում

03-02-2023

Հավաստագրեր հանձնվեցին ճարտարագիտության ամառային դպրոցի երկրորդ հոսքի մասնակիցներին։

Կարդալ ավելին

Ճանապարհների ձմեռային պահպանման աշխատանքների մասին

02-02-2023

Հորդորում ենք վարորդներին չխոչընդոտել ձմեռային սպասարկում իրականացնող կապալառու կազմակերպությունների աշխատակիցների աշխատնքներին և հետևել բոլոր հրահանգներին։

Կարդալ ավելին