«Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը, փոխտնօրեն Նարեկ Զուլալյանը, Հյուսիս-հարավ ճանապարհային միջանցքի ներդրումային ծրագրի Տրանշ-3 և Տրանշ-5 ծրագրերի ղեկավար Արեգ Եդիգարյանը, Տրանշ-4 ծրագրի Սիսիան-Քաջարան հատվածի կառուցման ծրագրի ղեկավար Արթուր Սանոյանը ՀՀ ՏԿԵ նախարար Գնել Սանոսյանի գլխավորած պատվիրակության կազմում օրերս գտնվում էին Իտալիայի Հանրապետությունում։

 

Այցի ընթացքում Ճանապարհային դեպարտամենտի ներկայացուցիչները ծանոթացել են Իտալիայի ճանապարհային ենթակառուցվածքներին, դրանց կառավարման համակարգին, այցելել են շինհրապարակներ։ Մասնագիտական շահագրգիռ քննարկում է կայացել Իտալիայի ազգային ճանապարհների միությունում (ANAS), որի կազմակերպմամբ էլ այցելություն է կատարվել ճանապարհային ցանցի կառավարման կենտրոն, 2,6կմ երկարությամբ նոր կառուցվող թունելի շինհրապարակ՝ ներկայացնելու թունելի շինարարության ընթացքը, թունելաշինության նորագույն մեթոդները։ Իտալացի մասնագետների հետ քննարկվել են ճանապարհային անվտանգությանն առնչվող մի շարք հարցեր։

 

ՀՀ ճանապարհաշինարարները հանդիպում են ունեցել նաև Իտալիայի շինարարական ընկերությունների ազգային ասոցիացիայի (ANCE) ներկայացուցիչների հետ՝ քննարկելով ճանապարհաշինական մի շարք հարցեր։