Հյուսիս-հարավ ճանապարհի Տրանշ-2-ի 34կմ հատվածի կառուցման ծրագրի ղեկավար Անի Հակոբյանը և բնապահպանական ազդեցությունների հարցերով մասնագետ Մարիամ Թաթուլյանը «Ճանապարհային դեպարտամենտ» հիմնադրամում հանդիպել են շինարարությունն իրականացնող «Լևանտինա Ինխեներիա ի Կոնստրուկսիոն» Ս․Լ և «Օբրաս Պուբլիկաս ի Ռեգադիոս» Ս․Ա» ՀՁ-ի ծրագրի ղեկավար Դանիել Ֆեռնանդես Մենենդեսի և նրա թիմի անդամների հետ։ Հանդիպմանը մասնակցում էր նաև շինարարության տեխնիկական հսկողությունն իրականացնող ընկերության ռեզիդենտ-ինժեներ Պիեռ Մյուրիսը։

 

Հանդիպման ընթացքում քննարկվել են ընթացիկ հարցեր։ Մասնավորապես‚ անդրադարձ է եղել շինարարության ժամանակացույցին և որակին։ Անի Հակոբյանն ընդգծել է շինհրապարակում իրականացվող աշխատանքների տեսանելի առաջընթացը, քննարկվել է ծրագրի շրջանակներում համապատասխան փաստաթղթերի և հաշվետվությունների պատշաճ և ժամանակին ներկայացնելու կարևորությունը։

 

Հյուսիս-հարավի Տրանշ-2-ի Աշտարակ-Թալին 34կմ ճանապարհահատվածը կառուցվում է Ասիական զարգացման բանկի և ՀՀ կառավարության ֆինանսավորմամբ։ Ծրագիրն իրականացնում է «Ճանապարհային դեպարտամենտ» հիմնադրամը։