Առաջիկայում կհայտարարվեն 42 կմ կենսական նշանակության 8 ճանապարհահատվածների վերականգնման շինաշխատանքների մրցույթները

20-04-2020

Խորհրդարանն օրերս ընդունեց Հայաստանի Հանրապետության ու Վերակառուցման և զարգացման միջազգային բանկի միջև կնքված «Կենսական նշանակության ճանապարհային ցանցի բարելավման ծրագրի երկրորդ լրացուցիչ ֆինանսավորում» վարկային համաձայնագիրը վավերացնելու մասին օրենքը:

Ծրագրի շրջանակներում ՀՀ մարզերում կվերականգնվեն մոտ 65 կմ ընդհանուր երկարությամբ կենսական նշանակության 12 ճանապարհահատվածներ։

23.1 կմ երկարությամբ 4 ճանապարհահատվածների վերականգնման մրցույթներն արդեն իսկ հայտարարված են։  Եվս 42 կմ 8 ճանապարհահատվածների նախագծերը պատրաստ են‚ դրանք ներկայացված են փորձաքննության։ Փորձաքննության դրական եզրակացությունը ստանալուց հետո առաջիկայում կհայտարարվեն նաև այդ ճանապարհների վերականգնման շինարարական աշխատանքների մրցույթները։

Նշված 8 ճանապարհներն են՝

  • Մ4-Սևան-Ախթամար համալիր-Մ4՝ ընդհանուր երկարությունը 6.3 կմ է, ճանապարհն ընդգրկում է Սևան քաղաքի Ցամաքաբերդ և Գոմաձոր թաղամասերը‚
  • Մ1-Ներքին Սասնաշեն-Մեծաձոր՝  ընդհանուր երկարությունը 9 կմ է,  ճանապարհն ընդգրկում է Ներքին Սասնաշեն, Վերին Սասնաշեն և Վերին Բազմաբերդ գյուղերը‚
  • Հ12-Նորամարգ-Հովտաշեն-Մ2՝ երկարությունը 4.7 կմ է, այն սկսվում է կենսական նշանակության ճանապարհային ցանցի բարելավման ծրագրի շրջանակներում 2018թ․ վերականգնված Հովտաշեն համայնքի ճանապարհից և հասնում է Նորամարգ‚
  • Մ6-Եղեգնուտ-Դեբեդ՝ ընդհանուր երկարությունը 7 կմ է‚ անցնում է  Եղեգնուտ և Դեբեդ գյուղերով‚
  • Տ-5-32-Կաթնաջուր 4.6 կմ ճանապարհն ընդգրկում է Կաթնաջուր համայնքը‚
  • Մ2-Նորավան 4.3 կմ ճանապարհն ընդգրկում է Նորավան, իսկ Հ46-Խոտ 2 կմ ճանապարհը հանրապետական նշանակության Հ46 ճանապարհը կապում է Խոտ գյուղին‚
  • Շիրակ-Կամո 4 կմ ընդհանուր երկարությամբ ճանապարհահատվածն ընդգրկում է և Շիրակ և Կամո գյուղերը։

 

Վերջին նորությունները

Քաջարան-Ագարակ ճանապարհի կառուցման աշխատանքները կատարվում են ըստ ժամանակացույցի և որակով

14-02-2025

Ընթացքի մեջ են 6 կամուրջների կառուցման, բետոնացման, երկու թունելներից մեկի փորման (արդեն իսկ հորատվել է մոտ 100 մետր), հողային և այլ բնույթի աշխատանքներ։

Կարդալ ավելին

Կայունացման և զարգացման Եվրասիական հիմնադրամի ներկայացուցիչներն դիտարկել են Քաջարան-Ագարակ ճանապարհի կառուցման ընթացքը

13-02-2025

Կայունացման և զարգացման Եվրասիական հիմնադրամի ներկայացուցիչները եղել են շինարարական տարբեր տեղամասերում՝ քննարկելով աշխատանքների ընթացքը։

Կարդալ ավելին