Հանդիպում՝ Կայունացման և զարգացման եվրասիական հիմնադրամի պատվիրակության հետ

20-08-2021

«Ճանապարհային դեպարտամենտ» ՊՈԱԿ-ում օգոստոսի 19-ին տեղի է ունեցել հանդիպում Կայունացման և զարգացման եվրասիական հիմնադրամի պատվիրակության անդամների՝ տրանսպորտի և հաղորդակցման գծով ղեկավար Անդրեյ Գլավատսկիխի, ծրագրերի իրականացման գլխավոր մենեջեր Ալեքսեյ Ռաշչիկովի հետ։ Կայունացման և զարգացման եվրասիական հիմնադրամի առաքելությունը հայաստանյան գործընկերների հետ քննարկել է Հյուսիս-հարավ ճանապարհային միջանցքի Տրանշ-4-ի Քաջարան-Ագարակ հատվածի վերակառուցման ծրագրի ընթացքը։ Հիշեցնենք, որ Քաջարան-Ագարակ հատվածի վերակառուցումը ֆինանսավորվում է Հայաստանի Հանրապետության կառավարության և Եվրասիական կայունացման ու զարգացման հիմնադրամի միջոցներով։

Հանդիպման ընթացքում Կայունացման և զարգացման եվրասիական հիմնադրամի ներկայացուցիչները տեղեկացվել են, որ «Այ Առ Դի Ինջենիրինգ և Ջի Փի Ինջեներիա» ՀԳ ընկերությունն արդեն ներկայացրել է Քաջարան-Ագարակ հատվածի մանրամասն նախագծի վերջնական տարբերակը։ Այն հանրային լսումների ընթացքում քննարկվել է ազդակիր համայնքներում։ Հաշվի են առնվել համայնքների բնակիչների առաջարկները, և արդյունքում նախագծի վերջնական տարբերակն ընդունվել է համայնքների կողմից։

Վերջնական նախագիծը կդիտարկվի Ճանապարհային դեպարտամենտի կողմից, որից հետո նախագիծը կմտնի փորձաքննության փուլ։ Նախագիծը, ըստ կարգի, պետք է անցնի պետական և միջգերատեսչական փորձաքննություններ, ինչից հետո արդեն կմեկնարկի շինարարության մրցութային գործընթացը։

Կողմերն արծարծել են նաև Տրանշ-4-ի Քաջարան-Ագարակ հատվածի շինարարության իրականացման ժամկետների հետ կապված, ինչպես նաև ֆինանսական հարցեր։

Կայունացման և զարգացման եվրասիական հիմնադրամի պատվիրակության անդամները հանդիպել են նաև ծրագրի խորհրդատուի՝ Քաջարան-Ագարակ հատվածի նախագծումն իրականացնող «Այ Առ Դի Ինջենիրինգ և Ջի Փի Ինջեներիա» ՀԳ իտալական ընկերության ներկայացուցիչների հետ՝ անդրադառնալով ճանապարհահատվածի նախագծային մանրամասներին։  

Վերջին նորությունները

Հայտարարվել է ՀՀ կենսական նշանակության ճանապարհացանցի 2022-2026թթ. ռազմավարական զարգացման պլանի պատրաստման մրցույթ

14-10-2021

Հետաքրքրության հայտերը պետք է ներկայացնել մինչև 2021թ. նոյեմբերի 2-ը՝ ժամը 18:00 (Երևանի ժամանակով):

Կարդալ ավելին

Երրորդ եռամսյակում՝ 1903 մուտքային, 1165 ելքային գրություն

11-10-2021

Բոլոր հարցումներին, դիմումներին և գրություններին կազմակերպությունն ընթացք է տվել իր լիազորությունների շրջանակում, օրենսդրությամբ սահմանված կարգով և ժամկետներում։

Կարդալ ավելին

Վերականգնվում է Մ1-Ներքին Սասնաշեն-Մեծաձոր ճանապարհի մոտ 9.8 կմ երկարությամբ հատվածը

11-10-2021

Ճանապարհի մոտ 5 կմ հատվածն արդեն ասֆալտատվել է։ Աշխատանքների ավարտը նախատեսված է այս տարվա վերջին։

Կարդալ ավելին