Հիմնանորոգվում է Հ-11, մոտեցում Խոր վիրապին հանրապետական նշանակության ավտոճանապարհի կմ0+000 - կմ1+700 հատվածը։

Ճանապարհահատվածը գտնվում էր անմխիթար վիճակում։ Շինարարական աշխատանքների ընթացքում կատարվել են հողային աշխատանքներ, տեղադրվել է ասֆալտբետոնե ծածկ, կկատարվի կողնակների հարթեցում, ճանապարհի կահավորում և այլն։

Կապալառու կազմակերպությունն է «Արարատ-ճանշին» ՍՊԸ-ն։ 1.7 կմ երկարությամբ ճանապարհահատվածի հիմնանորոգման աշխատանքները կավարտվեն այս տարվա աշնանը։

Ճանապարհի հիմնանորոգման համար ՀՀ պետական բյուջեից հատկացվել է 74 միլիոն 990 հազար դրամ: