Համաշխարհային բանկի աջակցությամբ իրականացվող Կենսական նշանակության ճանապարհային ցանցի բարելավման 2-րդ լրացուցիչ ֆինանսավորման շրջանակներում կազմվել է վթարավտանգ ճանապարհահատվածների բարելավման մանրամասն նախագիծ և բնապահպանական ու սոցիալական կառավարման պլան։

Հետազոտության և նախագծման ընթացքում ինժեներական թիմը սերտորեն աշխատել է համայնքների ղեկավարների հետ՝ հանրության պահանջները, առաջարկությունները և մեկնաբանությունները վերջնական նախագծի մեջ ընդգրկելու համար։

Ծրագրի շրջանակներում մինչ շինարարական աշխատանքները սկսելը կանցկացվեն հանրային լսումներ, որոնց նպատակն է համայնքների բնակիչներին ներկայացնել և քննարկել պատրաստված մանրամասն նախագիծն ու բնապահպանական և սոցիալական կառավարման պլանը՝ ապահովելով հասարակական մտահոգությունների ներառումը նախագծում։

Հանրային լսումները տեղի կունենան մարտի 2-ին, 3-ին և 4-ին Սևան, Վանաձոր, Մեծամոր, Արմավիր, Բաղրամյան, Ախուրյան, Անի համայնքներում։

Ծրագրի բնապահպանական կառավարման պլաններին կարելի է ծանոթանալ հետևյալ հղմամբ՝ https://armroad.am/am/safeguard/environmental-impact/other-1513764354