Ճանապարհաշինական ոլորտը շինարարության նախապատրաստական փուլում է

22-03-2021
ՀՀ տարածքային կառավարման և ենթակառուցվածքների նախարարության ճանապարհային ոլորտի քաղաքականության վարչության պետ Սերժիկ Պետրոսյանի տեղեկացմամբ՝ 2021 թվականին ՀՀ պետական բյուջեի ֆինանսավորման շրջանակներում հիմնանորոգվելիք ճանապարհների նախագծերն արդեն իսկ պատվիրվել են։ Նախագծման աշխատանքների մրցույթները կայացել են‚ կան հաղթողներ‚ և ՀՀ տարածքային կառավարման և ենթակառուցվածքների նախարարության կողմից ընդունված նախագծերը տրվում են փորձաքննության։ Ըստ վարչության պետի՝ կայացել է նաև փորձաքննող կազմակերպության ընտրության մրցույթը։ Ներկայում նախագծերի մեծ մասը պատրաստ է. դրանց փորձաքննությունից հետո կհայտարարվեն շինարարական աշխատանքների մրցույթներ‚ կկնքվեն ճանապարհաշինական պայմանագրեր‚ որից հետո էլ կմեկնարկի բուն շինարարությունը։
 
Վերջին տարիներին Հայաստանում կտրուկ մեծացել է ճանապարհաշինական աշխատանքների ծավալը։ Սերժիկ Պետրոսյանը նկատում է‚ որ ճանապարհաշինության ոլորտում առկա ռեսուրսները բավարար են ներկայացվող ծավալները կյանքի կոչելու համար։ Բացի այդ‚ ճանապարհաշինության շուկան աստիճանաբար մեծանում է‚ նորանոր շինարարական կազմակերպություններ են ներգրավվում աշխատանքներում։ Նկատի ունենալով ոլորտի ապագա հնարավորությունները՝ ներդրումներ են կատարվում. ընկերությունները ձեռք են բերում ժամանակակից շինտեխնիկա‚ կատարելագործում են մեքենասարքավորումների պարկը։ Բացի այդ‚ վարչության պետի տեղեկացմամբ՝ որակը բարելավելու նպատակով բարձրացվել են նաև նախագծերի և շինարարության կատարման նկատմամբ նախարարության պահանջները։ Սերժիկ Պետրոսյանը նշում է‚ որ աշխատանքներ են տարվում գործող շինարարական ստանդարտները թարմացնելու ուղղությամբ. «Տեխնոլոգիաներն անընդհատ զարգանում են‚ և մենք պետք է կարողանանք այդ զարգացումներին համընթաց քայլել՝ նպաստելով բարձրորակ աշխատանքների իրականացմանը»։

 

Վերջին նորությունները

Մ-6 միջպետական ճանապարհի հիմնանորոգումն ավարտական փուլում է

06-02-2023

Հիմնանորոգված ճանապարհը կբարելավի նաև տարածաշրջանի բնակիչների կյանքի որակը, կավելանան տուրիստական հոսքերը, երթևեկության ինտենսիվությունը, կմեծանա բեռնափոխադրումների ծավալը։

Կարդալ ավելին

Ճարտարագիտության ամառային դպրոցի 2 մասնակից կվերապատրաստվի Հռոմում

03-02-2023

Հավաստագրեր հանձնվեցին ճարտարագիտության ամառային դպրոցի երկրորդ հոսքի մասնակիցներին։

Կարդալ ավելին

Ճանապարհների ձմեռային պահպանման աշխատանքների մասին

02-02-2023

Հորդորում ենք վարորդներին չխոչընդոտել ձմեռային սպասարկում իրականացնող կապալառու կազմակերպությունների աշխատակիցների աշխատնքներին և հետևել բոլոր հրահանգներին։

Կարդալ ավելին