Հանդիպում ԱԶԲ առաքելության հետ
22-04-2024
ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանը, «Ճանապարհային դեպարտամենտ» հիմնադրամի ներկայացուցիչները հանդիպել են Ասիական զարգացման բանկի (ԱԶԲ) տրանսպորտի ոլորտի գրասենյակի Կենտրոնական և Արևմտյան Ասիայի‚ Արևելյան Ասիայի և խաղաղօվկիանոսյան թիմի տնօրեն Չեն Չենի գլխավորած պատվիրակության հետ։
Նշենք, որ ԱԶԲ պատվիրակությունն այցելել էր Հյուսիս-հարավի Աշտարակ-Թալին, Թալին-Լանջիկ ճանապարհահատվածներ, հետևել ՀՀ կառավարության և ԱԶԲ համաֆինանսավորմամբ կատարվող շինաշխատանքների ընթացքին, ինչպես նաև եղել էր Սյունիքի մարզում՝ ծանոթանալով Հյուսիս-հարավի հարավային հատվածում նախատեսվող ծրագրերին։
Բանկի պատվիրակության անդամների հետ քննարկվել են այցելությունների արդյունքները, համատեղ իրականացվող ծրագրերի ինժեներական, սոցիալական, բնապահպանական և այլ բաղադրիչներ, անդրադարձ է եղել ԱԶԲ հետ համագործակցության տարբեր ասպեկտներին։
Քննարկման առանցքում է եղել Հյուսիս-հարավի Սիսիան-Քաջարան ճանապարհահատվածի կառուցման ծրագիրը։ Պարոն Չենը հայտնել է ԱԶԲ հանձնառությունը՝ մասնակցելու Սիսիան-Քաջարան ճանապարհի կառուցման ֆինանսավորմանը։
Կողմերը քննարկել են երկկողմ փոխգործակցության ընդլայնման հնարավոր ուղղությունները։ Այդ համատեքստում ընդգծվել է կարողությունների զարգացման գործում ԱԶԲ-ի ներգրավվածության կարևորությունը։
Վերջին նորությունները
Չափագրումներ՝ միջին նորոգում իրականացնելու նպատակով
22-04-2025Կատարված ուսումնասիրությունների արդյունքում կազմվում են թերությունների ակտեր, որոնց հիման վրա էլ նշված ճանապարհահատվածներում կիրականացվի միջին նորոգում։
Կարդալ ավելինՀիմնանորոգվում է Հ-36, /Մ-4/ (Իջևան)-Նավուր-Բերդ-Այգեպար ճանապարհի կմ5+600-կմ42+100 հատվածը
21-04-2025Տավուշի մարզով անցնող հիմնանորոգվող ճանապարհի երկարությունը 36.5կմ է։ Ծրագիրն իրականացվում է ՀՀ պետական բյուջեի միջոցներով։
Կարդալ ավելինՀայտարարվել է Մ-4 ճանապարհի կմ51+200-կմ64+174 (աջ գոտի) հատվածի միջին նորոգման աշխատանքների ձեռքբերման մրցույթ
21-04-2025Հայտերն ընդունվում են մինչև ապրիլի 28-ը՝ ժամը 15.00։
Կարդալ ավելին