Վերականգնվել է Տ-5-32-Կաթնաջուր 4.7կմ երկարությամբ ճանապարհը

23-08-2022

Ավարտվել է Տ-5-32-Կաթնաջուր ավտոճանապարհի մոտ 4.7կմ երկարությամբ հատվածի (հիմնական ճանապարհ՝ կմ0+000 - կմ4+370 և մուտքեր ու իջատեղեր) վերականգնումը։ Ճանապարհը նորոգվել է «Ճանապարհային դեպարտամենտ» հիմնադրամի կողմից իրականացվող Կենսական նշանակության ճանապարհային ցանցի բարելավման 2-րդ լրացուցիչ ֆինանսավորման ծրագրի շրջանակում։

Տեղական նշանակության ճանապարհը գտնվում է Լոռու մարզի Սպիտակի տարածաշրջանում. այն սկիզբ է առնում նույն ծրագրի շրջանակներում 2020թ. վերականգնված Մ-7-Մեծ Պարնի-Ծաղկաբեր ավտոճանապարհից և Մեծ Պարնի բնակավայրը միացնում է Կաթնաջուր գյուղին։

Կապալառու կազմակերպությունը կատարել է հողային, ասֆալտապատման աշխատանքներ, իրականացրել է գաբիոնային շարվածք‚ վերականգնել է ջրահեռացման համակարգը, կատարվել են ճանապարհի կահավորման աշխատանքներ և այլն։

Շինարարական օբյեկտը շահագործման ընդունող հանձնաժողովը կատարված աշխատանքները դիտարկել է տեղում։ Տեխնիկական հսկողությունն իրականացնող կազմակերպության ներկայացուցիչն ընդգծել է, որ շինարարությունը կատարվել է նորմերին և նախագծին համապատասխան։

Կաթնաջուրցիները նշում են, որ ճանապարհը վերջին անգամ նորոգվել է 1980-ական թվականներին և մինչ նորոգումն անանցանելի էր։ Ըստ նրանց՝ ճանապարհի նորոգումը Կաթնաջուր բնակավայրի առաջնային խնդիրներից էր, ինչն այսօր լուծում է ստացել. արդեն ունեն բարեկարգ ճանապարհ, որն իր դրական ազդեցությունը կունենա տարածաշրջանի զարգացման համար։

Տ-5-32-Կաթնաջուր ավտոճանապարհը նորոգվել է Համաշխարհային բանկի և ՀՀ կառավարության ֆինանսավորմամբ։

 

 

Վերջին նորությունները

Աշտարակի տարածաշրջանը սպասարկող կազմակերպության նկատմամբ կկիրառվեն օրենքով սահմանված պատժամիջոցներ

31-01-2023

Դեպարտամենտը մոբիլիզացրել է հարակից տարածաշրջանների ճանապարհները սպասարկող կապալառուների ուժերը՝ վերոնշյալ տարածաշրջանի ավտոճանապարհների ձյան շերտի մաքրման և մշակման աշխատանքների համար։

Կարդալ ավելին

Ավարտվել է Հ-8, /Մ-2/-Այնթապ-Մխչյան-Արտաշատ-Այգևան-/Մ-2/ ճանապարհի 8.7կմ երկարությամբ 2 հատվածների հիմնանորոգումը

30-01-2023

8.7կմ ընդհանուր երկարությամբ 2 ճանապարհահատվածներն անցնում են Արարատի մարզով։

Կարդալ ավելին

Ճանապարհներին կտեղադրվեն տեղեկատվական ցուցանակներ

27-01-2023

Նախաձեռնությունը նպատակ ունի ապահովել հետադարձ կապը քաղաքացիների հետ։

Կարդալ ավելին