«Ճանապարհային դեպարտամենտ» հիմնադրամի գործադիր տնօրեն Արմեն Զոհրաբյանը, փոխտնօրեն Սերժիկ Պետրոսյանն այցելել են Խոտ-Որոտան հիմնանորոգվող ճանապարհահատված՝ ծանոթանալու ընթացիկ աշխատանքներին։

 

Խոտ-Որոտան 10.3կմ հիմնանորոգվող ճանապարհի մոտ 7.2կմ հատվածում տեղադրված է երկշերտ ասֆալտբետոնե ծածկ։

 

Հիշեցնենք, որ 10.3կմ ընդհանուր երկարությամբ ճանապարհահատվածի մոտավորապես 8-րդ կմ տեղամասում գրունտների գերխոնավացման հետևանքով առաջացել էր փլվածք։ Մասնագիտական խումբն ուսումնասիրել է փլուզման պատճառները, և որոշ խնդիրների մասով տրվել են նոր նախագծային լուծումներ։ Ներկայում այդ տեղամասում շինարարական աշխատանքներն իրականացման փուլում են:

 

Կապալառու կազմակերպության ներկայացուցիչները շինհրապարակում ներկայացրել են արդեն արված և կատարվող աշխատանքները։