Այսօր «Ճանապարհային դեպարտամենտ» հիմնադրամը կազմակերպել էր ՀՀ միջպետական, հանրապետական նշանակության ճանապարհների ընթացիկ ամառային և ընթացիկ ձմեռային պահպանման աշխատանքների ձեռքբերման մրցույթին դիմելու ընթացակարգերի մասին հանդիպում-քննարկում։ Մասնակցում էին սպասարկող կազմակերպությունների, ՀՀ մարզպետարանների ներկայացուցիչներ։

 

«Ճանապարհային դեպարտամենտ» հիմնադրամի պետական գնումների կառավարման բաժնի պետ Իսկուհի Օսիպյանը ներկաներին մանրամասնեց միջպետական և հանրապետական ճանապարհների ընթացիկ ամառային և ընթացիկ ձմեռային պահպանման աշխատանքների ձեռքբերման մրցույթին դիմելու կարգը։ «Ճանապարհային դեպարտամենտ» հիմնադրամի ճանապարհների պահպանման ու շահագործման բաժնի պետ Գոռ Մարգարյանը, ճանապարհների պահպանման և շահագործման համակարգող ինժեներ Ավագ Պետրոսյանն ու առաջատար իրավաբան Նելլի Հովսեփյանը ներկայացրին ընդհանուր օգտագործման ավտոմոբիլային ճանապարհների ընթացիկ ամառային և ընթացիկ ձմեռային պահպանման մակարդակների գնահատման ու կատարված աշխատանքների ընդունման կարգը սահմանող՝ ՀՀ կառավարության 04.11.2010թ. թիվ 1419-Ն որոշման մեջ կատարված փոփոխությունները։ Իսկ «Լոկատոր» ընկերությունից Սևակ Մինասյանը մանրամասնեց Ճանապարհային ցանցի կառավարման համակարգն ու այն կիրառելու կարգը։

 

Բանախոսները պատասխանեցին ներկաներին հուզող հարցերին։