Տեղի ունեցավ նախամրցութային առցանց հանդիպում

23-12-2021

«Ճանապարհային դեպարտամենտ» հիմնադրամը կազմակերպել էր նախամրցութային առցանց հանդիպում Հյուսիս-հարավ ճանապարհային միջանցքի Տրանշ-2-ի՝ Մ-1, Երևան-Գյումրի-Բավրա ճանապարհի կմ 29+600 - կմ 37+545 հատվածում՝ Ագարակ համայնքի շրջակայքում, մոտ 8 կմ հատվածի վերակառուցման աշխատանքների ձեռքբերման մրցույթի շրջանակներում։ Նման հանդիպում նախատեսված է համաձայն մրցութային փաթեթի։

Մասնակցում էին գնահատող հանձնաժողովի անդամներ, հայտարարված մրցույթով հետաքրքրված կազմակերպությունների ներկայացուցիչներ։

Տրանշ-2-ի 8կմ երկարությամբ ճանապարհահատվածի վերակառուցման մրցույթը հայտարարվել է 2021թ. դեկտեմբերի 3-ին, մասնակցության հայտերի ներկայացման վերջնաժամկետ է սահմանվել 2022թ. հունվարի 18-ը։

Հիմնադրամի գնումների բաժնի պետ Հասմիկ Օրդուխանյանը մանրամասն ծանոթացրեց մրցութային ընթացակարգերին։ Առցանց հանդիպման նպատակն էր լսել հետաքրքրված կազմակերպությունների կողմից բարձրացված հարցերը, տալ դրանց պարզաբանումներ։

Նախամրցութային հանդիպման ընթացքում գնահատող հանձնաժողովի անդամները պատասխանեցին շինարարական կազմակերպությունների հարցերին, որոնք վերաբերում էին մրցույթին դիմելու կարգին, ֆինանսական, մասնագետների որակավորման և բազմաթիվ այլ թեմաների։

Ըստ մրցութային փաթեթի՝ ընկերությունները հնարավորություն ունեն որոշակի ժամանակահատվածում ներկայացնելու հարցեր։ Մինչև դեկտեմբերի 28-ը կազմակերպությունները, անկախ առցանց հանդիպմանը մասնակցելու հանգամանքից, կարող են գրավոր դիմել գնահատող հանձնաժողովին և կարճ ժամկետում ստանալ պարզաբանումներ։

Վերջին նորությունները

Այս տարի 20 վթարավտանգ կետերում կիրականացվեն երթևեկության անվտանգության բարելավման միջոցառումներ

07-02-2023

Երթևեկության անվտանգության ապահովման միջոցառումները «Ճանապարհային դեպարտամենտ» հիմնադրամն իրականացնում է Հայաստանի ճանապարհային անվտանգության բարելավման ծրագրի շրջանակներում՝ Եվրոպական ներդրումային բանկի տրամադրած դրամաշնորհային միջոցներով։

Կարդալ ավելին

Մ-6 միջպետական ճանապարհի հիմնանորոգումն ավարտական փուլում է

06-02-2023

Հիմնանորոգված ճանապարհը կբարելավի նաև տարածաշրջանի բնակիչների կյանքի որակը, կավելանան տուրիստական հոսքերը, երթևեկության ինտենսիվությունը, կմեծանա բեռնափոխադրումների ծավալը։

Կարդալ ավելին