«Վեոլիա ջուր» ընկերության հետ քննարկվել է Մ6 ճանապարհահատվածում ջրագծերի և կոյուղագծերի տեղափոխման հարցը

24-01-2019

«Տրանսպորտային ծրագրերի իրականացման կազմակերպություն» ՊՈԱԿ-ի աշխատակիցներն այցելել են Մ6, Վանաձոր-Ալավերդի-Վրաստանի սահման միջպետական ավտոճանապարհի հիմնանորոգվող հատված։

Ալավերդի քաղաքով անցնող ճանապարհահատվածում առկա են ջրագծերի և կոյուղագծերի հետ կապված խնդիրներ։ Դրանց մի մասը Մ6 ավտոճանապարհի վերականգնման և բարելավման ծրագրի շրջանակներում պետք է տեղափոխվի։ Այս առնչությամբ տեղում կազմակերպվել է հանդիպում «Վեոլիա ջուր» ընկերության ներկայացուցիչների հետ։ Խնդրահարույց հատվածներում մասնագետները ծանոթացել են իրավիճակին, «Վեոլիա ջուր» ընկերության գրասենյակում նախագծողի հետ ուսումնասիրվել են խնդրի մանրամասները, և նախանշվել են հետագա քայլերը։ Որոշվել է նախագծում կատարել համապատասխան շտկումներ՝ համաձայնեցնելով դրանք «Վեոլիա ջուր» ընկերության հետ։

Ճանապարհի կառուցումն իրականացնող կապալառուների և շինարարական աշխատանքների նկատմամբ տեխնիկական հսկողություն իրականացնող «Սաֆեժ» ընկերության ներկայացուցիչների հետ քննարկվել են տեխնիկական, պայմանագրային փոխհարաբերությունների հետ առնչվող և ընթացիկ այլ հարցեր։

 

Վերջին նորությունները

Ճարտարագիտության ամառային դպրոցի 2 մասնակից կվերապատրաստվի Հռոմում

03-02-2023

Հավաստագրեր հանձնվեցին ճարտարագիտության ամառային դպրոցի երկրորդ հոսքի մասնակիցներին։

Կարդալ ավելին

Ճանապարհների ձմեռային պահպանման աշխատանքների մասին

02-02-2023

Հորդորում ենք վարորդներին չխոչընդոտել ձմեռային սպասարկում իրականացնող կապալառու կազմակերպությունների աշխատակիցների աշխատնքներին և հետևել բոլոր հրահանգներին։

Կարդալ ավելին

Աշտարակի տարածաշրջանը սպասարկող կազմակերպության նկատմամբ կկիրառվեն օրենքով սահմանված պատժամիջոցներ

31-01-2023

Դեպարտամենտը մոբիլիզացրել է հարակից տարածաշրջանների ճանապարհները սպասարկող կապալառուների ուժերը՝ վերոնշյալ տարածաշրջանի ավտոճանապարհների ձյան շերտի մաքրման և մշակման աշխատանքների համար։

Կարդալ ավելին