Մ6, Վանաձոր-Ալավերդի-Վրաստանի սահման միջպետական ավտոճանապարհի «Թումանյան» կայարան-Բագրատաշենի սահմանային անցակետ հիմնանորոգվող հատվածի լոտ 3-ում‚ որն ընդգրկում է Հաղպատ-Բագրատաշենի սահմանային անցակետ ճանապարհահատվածը‚ կապալառու կազմակերպությունը՝ իտալական «Սուարդի» ընկերությունը‚ կատարում է վաքերի տեղադրման‚ հենապատերի կառուցման և այլ աշխատանքներ։

Նշենք‚ որ 2019թ․ դեկտեմբերի 30-ի դրությամբ «Սուարդիի» կողմից նշված հատվածում իրականացվել  են 37,5 հազ․ խմ հողային և 5․9 հազ․ խմ հորատապայթեցման աշխատանքներ, 114․4 հազ․ քմ ասֆալտբետոնե ծածկի ֆրեզավորում, 690 քմ փոսային նորոգում, 167 գմ ջրահեռացման երկաթբետոնե խողովակների կառուցում, 415 գմ հենապատերի կառուցում, 405 գմ բետոնե վաքերի տեղադրում, 2 կամուրջների վերականգնում։ Նույն աշխատանքները շարունակվում են նաև այս պահին։

Աշխատանքներ են տարվում Մ6 միջպետական ավտոճանապարհի նաև այլ հատվածներում։