Մասակցություն՝ «Միջազգային շինարարական պայմանագրեր և վեճերի կարգավորում» թեմայով խորհրդաժողովին

24-10-2022
«Ճանապարհային դեպարտամենտ» հիմնադրամի գործադիր տնօրենի խորհրդական Տաթևիկ Ասատրյանը և հիմնադրամի պայմանագրերի կառավարման համակարգող Անահիտ Հարությունյանը օրերս մասնակցել են Խորվաթիայի Դուբրովնիկ քաղաքում կայացած «Միջազգային շինարարական պայմանագրեր և վեճերի կարգավորում» թեմայով խորհրդաժողովին։
 
Միջազգային առևտրի պալատի (ICC) և Խորհրդատու ինժեներների միջազգային ֆեդերացիայի (FIDIC) կողմից կազմակերպված խորհրդաժողովին մասնակցում էին 31 երկրների շինարարական ոլորտի շուրջ 200 իրավաբաններ և պայմանագրերի կառավարման, վեճերի կարգավորման մասնագետներ։
#ICCFIDIC խորհրդաժողովի ընթացքում խոսնակների կողմից ներկայացվեցին՝
 
  • FIDIC Green Book տիպային պայմանագրի ընդհանուր դրույթները,
  • FIDIC rainbow Suite տիպային պայմանագրերի փոփոխությունների (Variations and other changes), Ավարտման ժամկետների և ուշացումների (Time for completion and delay), պայմանագրերի կասեցումների, լուծման առանձնահատկությունները և դրանց հետևանքները,
  • պահանջների ներկայացման, վեճերի լուծման և արբիտրաժային վարույթի հիմնական դրույթներն ու մեխանիզմները։
 
«Ճանապարհային դեպարտամենտ» հիմնադրամի ներկայացուցիչների կողմից խորհրդաժողովի ընթացքում բարձրացվել են FIDIC տիպային պայմանագրերի կիրառման վերաբերյալ մի շարք գործնական հարցեր՝ ստանալով պատասխաններ։
 
Այցի ընթացքում հիմնադրամի ներկայացուցիչներն առանձին հանդիպումներ են ունեցել FIDIC գործադիր տնօրեն Նելսոն Օգունշակինի և խորհրդաժողովի այլ մասնակիցների հետ։

 

Վերջին նորությունները

Հիմնանորոգվել են Հրազդանի մի քանի փողոցներ

30-11-2022

«Ճանապարհային դեպարտամենտ» հիմնադրամի գործադիր տնօրենի տեղակալ Սերժիկ Պետրոսյանը և հիմնադրամի այլ ներկայացուցիչներ այցելել են Հրազդան և ուսումնասիրել կատարված աշխատանքները։

Կարդալ ավելին

Հանրային իրազեկման հանդիպումներ Արագածոտնի մարզում

30-11-2022

Նախատեսված են հանդիպումներ ազդակիր համայնքներում։

Կարդալ ավելին