«Ճանապարհային դեպարտամենտ» հիմնադրամը Համաշխարհային բանկի կողմից ֆինանսավորվող Կենսական նշանակության ճանապարհացանցի բարելավման 2-րդ լրացուցիչ ֆինանսավորման ծրագրի շրջանակներում հայտարարել է խորհրդատվական ծառայությունների ձեռքբերման մրցույթ։ Խորհրդատվական ծառայությունները ներառում են` Հայաստանի Հանրապետության ճանապարհային ենթակառուցվածքներում բնական աղետների ռիսկերի գնահատման տեխնիկական աջակցության տրամադրում։

Տեխնիկական աջակցության նպատակն է աջակցել Հայաստանի կառավարությանը ճանապարհային տրանսպորտի ոլորտի կառավարման ընթացքում բնական աղետների ազդեցությունը հաշվի առնելու հիմք ստեղծելու գործում: Ակնկալվում է, որ առաջադրանքի կատարումը կմեկնարկի 2022 թվականի փետրվար ամսին և կավարտվի 2022 թվականի սեպտեմբերին:

Ճանապարհային դեպարտամենտը նշված ծառայությունները մատուցելու նպատակով հրավիրում է իրավասու խորհրդատվական կազմակերպություններին  ներկայացնել հետաքրքրվածության հայտեր:

Դիմելու վերջնաժամկետն է դեկտեմբերի 14-ը։

Լրացուցիչ տեղեկատվություն կարելի է ստանալ հետևյալ հղումով՝ https://armroad.am/am/procurement/tenders