Տեղի է ունեցել Հյուսիս-հարավ ճանապարհի ներդրումային Տրանշ-4 ծրագրի Ագարակից Վարդանիձոր մոտ 21կմ ճանապարհահատվածի հիմնանորոգման և Վարդանիձորից մինչև թունելի ելք մոտ 11կմ ճանապարհի կառուցման շինարարական աշխատանքների ձեռքբերման մրցույթի գնահատող հանձնաժողովի նիստը։ Հանձնաժողովի անդամներից բացի, մասնակցում էին նաև հայտ ներկայացրած ընկերությունների լիազոր ներկայացուցիչներ։

Նիստի ընթացքում բացվել են կազմակերպությունների կողմից ներկայացված հայտերը։

Ընթացակարգի պահանջներին համապատասխան՝ հանձնաժողով անդամները կուսումնասիրեն հայտերը՝ մրցութային փաստաթղթերը, տեխնիկական և ֆինանսական առաջարկների համապատասխանությունը մրցույթի պահանջներին։

Շինաշխատանքները ֆինանսավորվելու են Եվրասիական զարգացման բանկի Կայունացման և զարգացման եվրասիական հիմնադրամի վարկային, ինչպես նաև ՀՀ պետական բյուջեի միջոցներով։