Հայտարարվել է 5 վթարավտանգ հատվածների ճանապարհային անվտանգության և ենթակառուցվածքների բարելավման աշխատանքների ձեռքբերման մրցույթ

25-01-2022

Հայաստանի ճանապարհային անվտանգության բարելավման ծրագրի շրջանակներում հայտարարվել  է Հ-69, Հ-21, Մ-3, Մ-14 և Մ-16 ճանապարհների 5 վթարավտանգ հատվածների ճանապարհային անվտանգության և ենթակառուցվածքների բարելավման աշխատանքների ձեռքբերման մրցույթ։  Աշխատանքները պետք է իրականացվեն մանրամասն նախագծին և տեխնիկական բնութագրերի պահանջներին համապատասխան: 

Հայաստանի ճանապարհային անվտանգության բարելավման ծրագիրն իրականացվում է «Ճանապարհային դեպարտամենտ» հիմնադրամի կողմից և Եվրոպական ներդրումային բանկի տրամադրած դրամաշնորհային միջոցներով։

Ծրագիրը մեկնարկել է 2019թ. դեկտեմբերի 4-ին։ Այս ընթացքում ավարտին են հասցվել Հ-8 և Մ-5 ճանապարհների 9 վտանգավոր կետերում երթևեկության բարելավման շինարարական աշխատանքները, Մ-6 ճանապարհի վրա տեղադրվել են ճանապարհային անվտանգության իրազեկման վահանակներ։ 2021 թվականին մեկնարկած Մ-2 և Մ-4 միջպետական նշանակության ճանապարհների ևս 9 վթարավտանգ կետերի վերացման աշխատանքներն այժմ ավարտական փուլում են։

Հ-69, Հ-21, Մ-3, Մ-14 և Մ-16 ճանապարհների 5 վթարավտանգ հատվածների ճանապարհային անվտանգության և ենթակառուցվածքների բարելավման աշխատանքների ձեռքբերման մրցույթի հայտերի ընդունման վերջնաժամկետն է 2022թ. փետրվարի 22-ը։

Մրցույթի մասին լրացուցիչ տեղեկություններ կարելի է ստանալ հետևյալ հղումով՝ https://armroad.am/am/procurement/tenders

 

Վերջին նորությունները

8 ճանապարհի 15 վթարավտանգ տեղամասերում կկատարվեն անվտանգության բարելավման աշխատանքներ

04-10-2022

Ճանապարհային ենթակառուցվածքների բարելավման աշխատանքներ կկատարվեն Վանաձոր, Ծովագյուղ, Դդմաշեն, Մարմաշեն, Վահրամաբերդ, Գուսանագյուղ, Արագածավան, Արտենի, Ալաշկերտ, Հայկավան, Արմավիր, Հացիկ բնակավայրերում։

Կարդալ ավելին

Տեղի է ունեցել գնահատող հանձնաժողովի նիստ

04-10-2022

Գնահատող հանձնաժողովն առաջիկայում կստուգի հայտատուների ներկայացրած տեխնիկական առաջարկները։

Կարդալ ավելին

Հայտարարվել է ՀՕՏԾ իրականացման խորհրդատվական ծառայությունների ձեռքբերման մրցույթ

29-09-2022

Ծառայությունները պետք է իրականացվեն տեխնիկական բնութագրի պահանջներին համապատասխան:

Կարդալ ավելին