Քննարկվեցին Կենսական նշանակության ճանապարհային ցանցի բարելավման ծրագրի 2-րդ լրացուցիչ ֆինանսավորման ծրագրի մանրամասները

25-02-2019

«Տրանսպորտային ծրագրերի իրականացման կազմակերպություն» ՊՈԱԿ-ում տեղի է ունեցել հանրային իրազեկման հանդիպում Համաշխարհային բանկի հետ քննարկվող Կենսական նշանակության ճանապարհային ցանցի բարելավման ծրագրի 2-րդ լրացուցիչ ֆինանսավորման ծրագրի Բնապահպանական և սոցիալական կառավարման, ինչպես նաև Վերաբնակեցման քաղաքականության շրջանակային փաստաթղթերի նախագծերի վերաբերյալ: Հանրային լսումներին մասնակցում էին ՀՀ բնապահպանության, տարածքային կառավարման և զարգացման նախարարությունների, ինչպես նաև մարզպետարանների ներկայացուցիչներ:

Կենսական նշանակության ճանապարհային ցանցի բարելավման ծրագրի ղեկավար Լյուդմիլա Աղաբեկյանը տեղեկացրեց, որ Համաշխարհային բանկը Կենսական նշանակության ճանապարհային ցանցի բարելավման ծրագիրը Հայաստանում իրականացնում է 2009 թվականից։ Նպատակն է վերանորոգել համայնքները մարզկենտրոնների հետ կապվող ճանապարհները՝ գյուղացիների համար հասանելի դարձնելով շուկաները, ծառայությունները։ Ծրագրի շրջանակներում նախ կատարվում է ճանապարհների ընտրությունը, ըստ համապատասխան չափորոշիչների։ Ընտրվում են այն ճանապարհները, որոնք առաջնահերթ վերականգնման ենթակա են։ 2009-2018թթ. ՀԲ-ի և ՀՀ կառավարության հետ համատեղ ֆինանսավորվել է մոտ 440 կմ ընդհանուր երկարությամբ ճանապարհահատվածի վերականգնում։ Լյուդմիլա Աղաբեկյանը նշեց, որ ծրագիրն արդյունավետ է, քանի որ բնակիչները մշտապես իրենց գոհունակությունն են հայտնել ճանապարհների վերականգնումից հետո։

Կենսական նշանակության ճանապարհային ցանցի բարելավման ծրագրի սոցիալական և բնապահպանական հարցերով մասնագետ Շուշան Քուրքչիյանը մանրամասն ներկայացրեց Բնապահպանական և սոցիալական կառավարման և Վերաբնակեցման քաղաքականության շրջանակային փաստաթղթերի նախագծերի բովանդակությունը։ Նա նաև ընդգծեց, որ ծրագրի շրջանակներում սոցիալական և բնապահպանական զգալի ազդեցություններ չեն սպասվում։ Ճանապարհների վերանորոգումն իրականացվում է գոյություն ունեցող ճանապարհների ծրագծով  և ներառում է ճանապարհահատվածների ծածկի վերականգնման աշխատանքները, ջրահեռացման համակարգերի վերականգնման ու անվտանգության ապահովման միջոցառումների իրականացումը։ Ճանապարհների լայնացումներ և ծրագծի փոփոխություն չեն նախատեսվում, ուստի լրացուցիչ հողեր օտարելու կարիք չկա։ 2009 թվականից ծրագիրն իրականացվում է, և մինչ այժմ ոչ մի խնդիր չի ծագել, սակայն այնուամենայնիվ Վերաբնակեցման ու Բնապահպանական և սոցիալական կառավարման քաղաքականության շրջանակային փաստաթղթերը պատրաստվում են, որպեսզի խուսափեն անակնկալներից, և հնարավոր լինի կարգավորել խնդիրները դրանց առաջացման դեպքում։

Հանդիպման ավարտին կենսական նշանակության ճանապարհային ցանցի բարելավման ծրագրի պատասխանատուների և մարզպետարանների ներկայացուցիչների միջև տեղի ունեցավ ակտիվ քննարկում։ Արծարծվող հարցերը հիմնականում վերաբերում էին ճանապարհների վերականգնման նախագծի քննարկումներին մարզպետարանների մասնագետների ակտիվ ներգրավմանը, ճանապարհների երաշխիքային սպասարկմանը և այլ խնդիրների։

Վերջին նորությունները

Հյուսիս-հարավ ճանապարհային միջանցքի Տրանշ-3-ում շինարարությունը շարունակվում է

20-10-2020

Ճանապարհաշինության ոլորտի պատասխանատուները հանդիպել են շինարարության տեխնիկական վերահսկողությունն իրականացնող կազմակերպության՝ «ԱյԱրԴի Ինջինիերինգ» ընկերության աշխատանքային թիմի նոր անձնակազմի հետ՝ Փոլ Կլարկի ղեկավարությամբ։

Կարդալ ավելին

Բագրատաշենի նոր կամրջի կառուցման շրջանակներում մեկնարկում է ազդակիր հողերի օտարման գործընթացը

18-10-2020

Բագրատաշենի նոր կամրջի շինարարական փուլը կմեկնարկի հողերի օտարման գործընթացից ու տարածքում առկա շինության և այլ կառուցվածքների ապամոնտաժումից հետո։

Կարդալ ավելին

Մասնակցություն՝ Պամիրյան տրակտի 80-ամյակին նվիրված միջազգային գիտագործնական համաժողովին

15-10-2020

Անդրադարձ է եղել մի շարք հարցերի‚ մասնավորապես՝ ճանապարհների վերանորոգման‚ պահպանման և տեխնիկական ուսումնասիրության համար կիրառվող ժամանակակից տեխնիկային‚ ճանապարհների վթարայնության մակարդակի վրա լեռնային տեղանքի ազդեցությանը և այլն։

Կարդալ ավելին