Չինական «Սինոհիդրո Քորփորեյշն» ՍՊԸ-ում այս պահին աշխատող չինացիների մոտ կորոնավիրուսի ախտանիշներ չկան

25-02-2020

Հյուսիս-հարավ ճանապարհային միջանցքի Տրանշ-3-ի կապալառու կազմակերպության՝ չինական «Սինոհիդրո Քորփորեյշն» ՍՊԸ-ում այս պահին աշխատող Չինաստանի Ժողովրդական Հանրապետության քաղաքացիների մոտ կորոնավիրուսի դրսևորման նշաններ չկան։ «Սինոհիդրո Քորփորեյշն» ընկերությունից մեզ տեղեկացրին‚ որ կազմակերպության՝ Չինաստանից Հայաստան ժամանած վերջին ներկայացուցիչը ՀՀ է մուտք գործել Վրաստանի սահմանից։ Այժմ նա գտնվում է կարանտինային շրջանում‚ որը կավարտվի 2 օրից։ Փետրվարի 27-ից նա կմիանա աշխատանքային թիմին։ Այս ընթացքում նրա մոտ կորոնավիրուսի որևէ ախտանշան ի հայտ չի եկել։ Կարանտինային շրջանում գտնվող աշխատակիցն ամենօրյա զննման է ենթարկվում բուժաշխատողների կողմից։

«Սինոհիդրո Քորփորեյշն» ընկերության՝ այժմ Հայաստանում գտնվող մյուս աշխատակիցներից վերջինը Չինաստանից վերադարձել է 2020թ. հունվարի 6-ին։ Նա նույնպես անցել է կորոնավիրուսի 2019-nCoV ենթատեսակով հարուցված վարակի գաղտնի շրջանը՝ չցուցաբերելով որևէ ախտանիշ։ «Սինոհիդրո Քորփորեյշն»-ի մյուս աշխատակիցները դեռևս չեն վերդարձել Հայաստան ձմեռային արձակուրդներից։

Չինական ընկերությունից տեղեկացրին‚ որ մշտական կապի մեջ են Մարալիկի առողջության կենտրոնի հետ (կազմակերպությունը տեղակայված է Մարալիկ քաղաքում)՝ կանխարգելիչ միջոցառումներն արդյունավետ իրականացնելու համար։

 

Վերջին նորությունները

Մեկնարկել են Հ-8 և Մ-5 ավտոճանապարհների 9 վտանգավոր կետերի ճանապարհային անվտանգության և ենթակառուցվածքների բարելավման միջոցառումները

01-03-2021

Օրերս տրվել է շինարարական աշխատանքների մեկնարկը։ Աշխատանքների ավարտը նախատեսվում է 2021թ. օգոստոսին:

Կարդալ ավելին

Ճանապարհային դեպարտամենտի լաբորատորիայում կատարվում են հետազոտական աշխատանքներ

22-02-2021

Ձմռանը‚ երբ ճանապարհաշինական աշխատանքներ հիմնականում չեն կատարվում‚ լաբորատորիայում կատարում են սարքավորումների կարգաբերումներ և հետազոտական աշխատանքներ։

Կարդալ ավելին

Ավտոճանապարհը սպասարկող ընկերությանը տրվել է նկատողություն

19-02-2021

Կազմակերպությանը տրվել է նկատողություն. կրկնվելու դեպքում ճանապարհը սպասարկող ընկերության հետ պայմանագիրը կլուծվի։

Կարդալ ավելին