Անցկացվում է «Ճանապարհային ակտիվների կառավարում» թեմայով դասընթաց

25-02-2022

Փետրվարի 22-ից 25-ը «Ճանապարհային դեպարտամենտ» հիմնադրամն իր աշխատակիցների, ՀՀ ՏԿԵՆ, ճանապարհաշինության ոլորտում աշխատող կազմակերպությունների մասնագետների համար կազմակերպել է «Ճանապարհային ակտիվների կառավարում» թեմայով դասընթաց։ Դասընթացի մասնակիցները կատարելագործում են իրենց գիտելիքները, ծանոթանում միջազգային նորագույն փորձին։

Քառօրյա սեմինարը կազմակերպվել է Ասիական զարգացման բանկի աջակցությամբ իրականացվող Մ-6, Վանաձոր-Ալավերդի-Վրաստանի սահման միջպետական ավտոճանապարհի վերականգնման և բարելավման ծրագրի շրջանակում։

Դասընթացը վարում է միջազգային դասընթացների մեծ փորձառություն ունեցող մասնագետ Կոնստա Սիրվիոն:

Սեմինարի բացմանը «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը, ողջունելով մասնակիցներին, նշեց, որ հիմնադրամը մշտապես ուշադրության կենտրումնում է պահում մասնագետների կարողությունների զարգացման, հմտությունների կատարելագործման հարցը։ «Այսպիսի սեմինարների ընթացքում հնարավորություն է ստեղծվում ծանոթանալու ճանապարհաշինության, ծրագրերի կառավարման միջազգային նորագույն փորձին, որը հետագայում կիրառվում է պրակտիկ աշխատանքում։ Վստահ եմ, որ այս օրերին ստացած գիտելիքները կօգնեն մեր մասնագետներին բարձրացնել աշխատանքի արդյունավետությունը, ավելի հեշտությամբ կանխատեսել ու կառավարել հնարավոր ռիսկերը»,- ասաց պարոն Ավետիսյանը՝ նաև շնորհակալություն հայտնելով Ասիական զարգացման բանկին՝ պարբերաբար նման միջոցառումներին աջակցելու համար։

Սեմիների ընթացքում արծարծվող թեմաներն են՝ «Ճանապարհային ակտիվների կառավարման ռազմավարական ուղղության սահմանում», «Ճանապարհային ակտիվների արդյունավետության կառավարման շրջանակը», «Ճանապարհային ակտիվների գույքագրում», «Ճանապարհային ակտիվների վիճակի գնահատում, ռիսկերի կառավարում», «Հիմնանորոգման, պահպանման, շահագործման, ինչպես նաև համապատասխան ֆինանսավորման ռազմավարությունների մշակում» և այլն։

Վերջին նորությունները

Աշտարակի տարածաշրջանը սպասարկող կազմակերպության նկատմամբ կկիրառվեն օրենքով սահմանված պատժամիջոցներ

31-01-2023

Դեպարտամենտը մոբիլիզացրել է հարակից տարածաշրջանների ճանապարհները սպասարկող կապալառուների ուժերը՝ վերոնշյալ տարածաշրջանի ավտոճանապարհների ձյան շերտի մաքրման և մշակման աշխատանքների համար։

Կարդալ ավելին

Ավարտվել է Հ-8, /Մ-2/-Այնթապ-Մխչյան-Արտաշատ-Այգևան-/Մ-2/ ճանապարհի 8.7կմ երկարությամբ 2 հատվածների հիմնանորոգումը

30-01-2023

8.7կմ ընդհանուր երկարությամբ 2 ճանապարհահատվածներն անցնում են Արարատի մարզով։

Կարդալ ավելին

Ճանապարհներին կտեղադրվեն տեղեկատվական ցուցանակներ

27-01-2023

Նախաձեռնությունը նպատակ ունի ապահովել հետադարձ կապը քաղաքացիների հետ։

Կարդալ ավելին