Դասախոսությունների շարք՝ «Շինարարական ճարտարագիտություն» ամառային դպրոցի սաների համար

25-07-2022
ՀՀ ՏԿԵՆ-ի և IRD Engineering (Իտալիա) ընկերության միջև ստորագրված համագործակցության հուշագրի շրջանակներում կազմակերպված «Շինարարական ճարտարագիտություն» ամառային դպրոցի սաները նախորդ շաբաթ դասախոսությունների շարք են ունկնդրել «Ճանապարհային դեպարտամենտ» հիմնադրամում։ Կրտսեր գործընկերների հետ հանդիպել ու տարբեր թեմաներով դասախոսություններ են կարդացել հիմնադրամի աշխատակիցները։
 
Ճանապարհային դեպարտամենտի գործադիր տնօրենի տեղակալ Նարեկ Զուլալյանը հույս է հայտնել, որ փորձառու մասնագետների հետ հանդիպումները կլինեն օգտավետ, և նրանց փոխանցած գիտելիքներն ամառային դպրոցի սաները հետագայում կկիրառեն իրենց աշխատանքային գործունեության ընթացքում։
 
«Ճանապարհային դեպարտամենտ» հիմնադրամի նախագծերի գծով ինժեներ Լևոն Մխիթարյանը, ով նաև դասավանդում է Ճարտարապետության և շինարարության Հայաստանի ազգային համալսարանում, ուսանողների հետ հանդիպմանը խոսեց նյութերի դիմադրության մասին։ Նշենք, որ նյութերի դիմադրությունը բազային գիտելիք է, որի հիման վրա կատարվում են ճանապարհային պատվածքի, կամուրջների նախագծային հաշվարկներ։ Լևոն Մխիթարյանը, ներկայացրեց «նյութերի դիմադրություն» հասկացությունը, ուսումնասիրության շրջանակը, լարվածադեֆորմացիոն վիճակի հետազոտությունները։
 
«Շինարարական ճարտարագիտություն» ամառային դպրոցի սաների հաջորդ հանդիպումը «Ճանապարհային դեպարտամենտ» հիմնադրամի պայմանագրերի կառավարման համակարգող Անահիտ Հարությունյանի հետ էր։ Վերջինս դասախոսության ունկնդիրներին ներկայացրեց պայմանագրի տեսակները, խոսեց մրցույթների, գնումների գործընթացների մասին։ Հատկապես շեշտադրվեցին FIDIC-ի պայմանագրերի կիրառության շրջանակները։ Անդրադարձ եղավ պայմանագրային կառավարման հիմնական սկզբունքներին և պահանջներին, որոնց շնորհիվ ապահովվում են ծրագրերի սահուն իրականացումն ու նպաստում ծրագրերի արդյունավետությանը։
 
Ճանապարհային դեպարտամենտի անվտանգության ինժեներ Արման Սարգսյանն էլ ամառային դպրոցի սաների հետ խոսեց ճանապարհային անվտանգության թեմաների մասին։ Մասնավորապես, ներկայացրեց ճանապարհատրանսպորտային պատահարների (ՃՏՊ) մասին վիճակագրություն, ճանապարհատրանսպորտային ցանցը, ՃՏՊ-ներին նպաստող գործոնները, ՃՏՊ-ների կանխարգելմանն ուղղված միջոցառումները և այլն։
 
Ճանապարհային դեպարտամենտի մասնագետները հանգամանորեն պատասխանել են նաև ամառային դպրոցի սաներին հետաքրքրող հարցերին։ Նշենք, որ դպրոցի ուսանողները եղել են նաև շինհրապարակներում՝ ծանոթանալով շինարարության բուն պրոցեսին։

Վերջին նորությունները

Վերացվել է դեպի Հառիճավանք տանող ճանապարհի վթարավտանգ կետը

14-11-2022

Հայաստանի ճանապարհային անվտանգության բարելավման ծրագիրն իրականացվում է «Ճանապարհային դեպարտամենտ» հիմնադրամի կողմից և Եվրոպական ներդրումային բանկի տրամադրած դրամաշնորհային միջոցներով։

Կարդալ ավելին

Վթարավտանգ հատվածների բարելավման ծրագրեր՝ Արմավիրի մարզում

11-11-2022

Կենսական նշանակության ճանապարհային ցանցի բարելավման ծրագրով իրականացվում են ՀՀ միջպետական և հանրապետական նշանակության վթարավտանգ մի շարք տեղամասերի բարելավման աշխատանքներ։

Կարդալ ավելին