Հիմնանորոգվում է Մ-2 ճանապարհի՝ Սյունիքի մարզով անցնող 10.3 կմ երկարությամբ հատվածը

25-09-2021
«Մեղրու ՃՇՇՁ» ՍՊԸ-ն հիմնանորոգման աշխատանքներ է կատարում Մ-2, Երևան-Երասխ-Գորիս-Մեղրի-Իրանի սահման միջպետական նշանակության ավտոճանապարհի՝ Սյունիքի մարզով անցնող 10.3 կմ երկարությամբ հատվածում (կմ374+000-կմ384+300)։ «Մեղրու ՃՇՇՁ»-ի տնօրեն Ազատ Գասպարյանը տեղեկացրեց, որ այդ ճանապարհահատվածը մինչ հիմնանորոգումը գտնվում էր խիստ անբարեկարգ վիճակում։ Ծանրաքաշ մեքենաների ազդեցությունը, երկար տարիներ չհիմնանորոգելը հանգեցրել էին ճանապարհային ծածկի քայքայման։ Հիմնանորոգման շրջանակներում կատարվել են հողային աշխատանքներ, հիմնովին քանդվել է ճանապարհային հագուստը, փոխարենը տեղադրվել է 35 սմ հաստությամբ խճավազային խառնուրդ, բարձր ծակոտկենության ասֆալտբետոնե (6 սմ) ծածկ, քիչ ծակոտկեն ասֆալտբետոնե (4 սմ) ծածկ, առաջիկայում կկատարվի մանրահատիկ ասֆալտբետոնե (4 սմ) վերին շերտի կառուցումը։ Ճանապարհն անցնում է նաև Մեղրի քաղաքով. կառուցվել է քաղաքի ջրընդունիչների հանգույցը։ Հիմնանորոգման շրջանակներում նախատեսված են նաև այլ աշխատանքներ՝ ուղեանցի, կամուրջների նորոգում և այլն։
 
«Մեղրու ՃՇՇՁ»-ի տնօրենը նշում է, որ նախատեսում են հիմնանորոգումը ավարտել մինչև նոյեմբերի 1-ը։
 
Մ-2 միջպետական ավտոճանապարհի այլ հատվածներում նույնպես այս պահին կատարվում են հիմնանորոգման աշխատանքներ, մասնավորապես, միջպետական ավտոճանապարհի հիմնանորոգվող 34.6 կմ-ն անցնում է Վայոց ձորի մարզով (կմ108+400-կմ126+100, կմ150+700-կմ167+600), իսկ 16.5 կմ-ն՝ Սյունիքի մարզով (կմ196+000-կմ202+200, կմ374+000-կմ384+300)։

 

Վերջին նորությունները

Մեկնարկել են Մ-3-ի կմ35+535-կմ39+500 հատվածի հիմնանորոգման աշխատանքները

20-02-2024

Մոտ 4կմ երկարությամբ ճանապարհի շինաշխատանքների ավարտը նախատեսված է մինչև այս տարվա վերջ։

Կարդալ ավելին

Տրանշ-2-ի 34կմ-ում վերակառուցումը շարունակվում է

19-02-2024

Կատարվում են հաղային աշխատանքներ՝ ժայռային պայթեցումներ‚ հանույթ‚ լիցք‚ փխրեցում‚ երկաթբետոնե կոնստրուկցիաների ամրանավորում և այլն։

Կարդալ ավելին

Բջջային հավելված՝ ճանապարհների մասին

14-02-2024

Arm Roads Info կամ Roadmap hotline անվանումով հավելվածը՝ App Store-ում և Play Market-ում

Կարդալ ավելին