«Ճանապարհային դեպարտամենտ» հիմնադրամում տեղի է ունեցել Հյուսիս-հարավ միջանցքի ներդրումային ծրագրի Տրանշ-2-ի շրջանակներում Մ-1, Երևան-Գյումրի-Բավրա (կմ 37+545-ից մինչև կմ 71+435) ավտոճանապարհի շուրջ 34կմ-ի շինաշխատանքների ձեռքբերման մրցույթի գնահատող հանձնաժողովի նիստը։

 

Նիստի ընթացքում բացվել են մրցույթին դիմած կազմակերպությունների ներկայացրած տեխնիկական հայտերը։ Ընթացակարգի պահանջներին համապատասխան՝ հանձնաժողով անդամների կողմից կուսումնասիրվեն տեխնիկական հայտերը, կորոշվեն այն կազմակերպությունները, որոնց մրցութային փաստաթղթերը համապատասխանում են սահմանված որակավորման չափանիշներին։ Այնուհետև կբացվեն նաև այս փուլը հաղթահարած կազմակերպությունների ֆինանսական հայտերը։