Ճանապարհների վերականգնումից հետո իրականացվում են հանրային լսումներ

25-12-2019

«Տրանսպորտային ծրագրերի իրականացման կազմակերպություն» ՊՈԱԿ-ի կողմից ստեղծված աշխատանքային հանձնաժողովն այցելել է Արարատի մարզի Արտաշատ-Վերին Արտաշատ-Նորաշեն (1.4 կմ)‚ Տ-2-33-Դեղձուտ (1.36 կմ)‚ Տ-2-30-Վերին Արտաշատ-Հնաբերդ-Գետազատ (2.7 կմ) և Արմավիրի մարզի Մ5-Սարդարապատ-Նոր Արմավիր-Տ-3-52 (6.146 կմ) ճանապարհահատվածներ, որոնք վերականգնվել են Համաշխարհային բանկի և ՀՀ կառավարության միջոցներով իրականացվող «Կենսական նշանակության ճանապարհային ցանցի բարելավման լրացուցիչ ֆինանսավորում» ծրագրի շրջանակներում։

Հանձնաժողովը դիտարկեց կապալառուի կողմից իրականացված աշխատանքները‚ ստուգեց դրանց համապատասխանությունը պայմանագրին ու նախագծին, գնահատեց վերանորոգված ճանապարհների վիճակը։ Այցելության ընթացքում իրականացվեցին նաև հանրային լսումներ. հանձնաժողովի անդամները լսեցին համայնքների բնակիչների կարծիքները‚ դիտարկումները կատարված աշխատանքների վերաբերյալ։

Մասնավորապես‚ Նորաշեն համայնքում բնակիչները բարձրացնում էին ենթակառուցվածքների հետ կապված այնպիսի հարցեր‚ որոնք առնչություն չունեին ճանապարհաշինության հետ։ Հանձնաժողովի անդամները նշեցին‚ որ բարձրացված խնդիրները համայնքի և մարզպետարանի լիազորությունների շրջանակներում են։ Ինչ վերաբերում է ճանապարհի վերականգնմանը‚ ապա Նորաշենի բնակիչներն ընդգծեցին‚ որ այն կատարվել է բարձր որակով։ Ռուսաստանի Դաշնություն արտագնա աշխատանքի մեկնող և ճանապարհաշինության ոլորտում աշխատող նորաշենցիները խոստովանեցին‚ որ նույնիսկ Ռուսաստանում նման որակի ասֆալտ չեն տեսել։

Մյուս համայնքների բնակիչներն իրենց երախտագիտությունն էին հայտնում ճանապարհաշինարարներին‚ ինչպես նաև ճանապարհի վերականգնման ծրագրի պատասխանատուներին՝ բարեկարգ ճանապարհ պարգևելու համար։

Արմավիրի մարզի Սարդարապատ համայնքի ղեկավար Բաբկեն Վարդանյանը նշեց‚ որ մոտ 6.14 կմ երկարություն ունեցող Սարդարապատ-Նոր Արմավիր-Տ-3-52 վերականգնված ճանապարհի միջոցով բարելավվել է կապը բերքի վերամշակման գործարանների հետ‚ ինչը բավականին կրճատել է բերքի տեղափոխման ծախսերը։ Ավելի դյուրին է դարձել նաև գյուղացիների՝ սեփական հողատարածքներ հասնելը։ Մարզկենտրոն գնալիս հարակից գյուղերի բնակիչներն արդեն օգտվում են այս ճանապարհից, քանի որ այն էապես կրճատում է հեռավորությունը։

 

 

Վերջին նորությունները

8 ճանապարհի 15 վթարավտանգ տեղամասերում կկատարվեն անվտանգության բարելավման աշխատանքներ

04-10-2022

Ճանապարհային ենթակառուցվածքների բարելավման աշխատանքներ կկատարվեն Վանաձոր, Ծովագյուղ, Դդմաշեն, Մարմաշեն, Վահրամաբերդ, Գուսանագյուղ, Արագածավան, Արտենի, Ալաշկերտ, Հայկավան, Արմավիր, Հացիկ բնակավայրերում։

Կարդալ ավելին

Տեղի է ունեցել գնահատող հանձնաժողովի նիստ

04-10-2022

Գնահատող հանձնաժողովն առաջիկայում կստուգի հայտատուների ներկայացրած տեխնիկական առաջարկները։

Կարդալ ավելին

Հայտարարվել է ՀՕՏԾ իրականացման խորհրդատվական ծառայությունների ձեռքբերման մրցույթ

29-09-2022

Ծառայությունները պետք է իրականացվեն տեխնիկական բնութագրի պահանջներին համապատասխան:

Կարդալ ավելին