«Շրջակա միջավայրի վրա ազդեցության գնահատման և փորձաքննության մասին» ՀՀ օրենքի, ինչպես նաև ՀՀ կառավարության 19.11.2014թ. N 1325-Ն որոշմամբ սահմանված կարգով՝ հունիսի 21-ին Սյունիքի մարզի Քաջարանի համայնքապետարանում և հունիսի 22-ին ՀՀ Սյունիքի մարզի Սիսիանի համայնքապետարանում տեղի ունեցան Հյուսիս-հարավ ճանապարհային միջանցքի ներդրումային ծրագիր, Տրանշ-4, Սիսիան-Քաջարան ճանապարհահատվածի կառուցման ծրագրի շրջակա միջավայրի վրա ազդեցության նախնական գնահատման հայտի վերաբերյալ երկրորդ հանրային քննարկումները։ Հանդիպումները կազմակերպվել էին Շրջակա միջավարի նախարարության կողմից։

Մասնակցում էին «Ճանապարհային դեպարտամենտ» հիմնադրամի, ՇՄԱԳ հաշվետվություն մշակող խորհրդատուի, համայնքապետարանների, շահառու համայնքների և բնակավայրերի ներկայացուցիչներ։

Հանդիպումների ընթացքում քննարկվեցին ծրագրին առնչվող բնապահպանական, սոցիալական և տեխնիկական հարցեր։ Բոլոր շահառուները ներկայացրին իրենց առաջարկությունները և ստացան հուզող հարցերի պատասխանները։