Դասընթաց՝ «Ծրագրի ժամանակացույցի պլանավորման և կառավարման» թեմայով

26-07-2022
Ասիական զարգացման բանկի ֆինանսավորմամբ իրականացվող Մ-6, Վանաձոր-Ալավերդի-Վրաստանի սահման միջպետական ավտոճանապարհի վերականգնման և բարելավման ծրագրի շրջանակներում այսօր մեկնարկել է «Ծրագրի ժամանակացույցի պլանավորման և կառավարման» թեմայով քառօրյա դասընթացը։ Մասնակցում են հիմնադրամի աշխատակիցներ, ՀՀ ՏԿԵՆ ճանապարհային ոլորտի քաղաքականության վարչության ներկայացուցիչներ։
 
«Ճանապարհային դեպարտամենտ» հիմնադրամի գործադիր տնօրենի տեղակալ Նարեկ Զուլալյանը դասընթացի բացման խոսքում նշեց, որ նման թրեյնինգները միտված են ինստիտուցիոնալ կարողությունների զարգացմանը։ Ըստ պարոն Զուլալյանի՝ վերջին տարիներին ճանապարհաշինության ծավալների մեծացմանը զուգահեռ անհրաժեշտություն է առաջացել նաև կատարելագործել բնագավառի աշխատակիցների մասնագիտական հմտությունները։ Նա տեղեկացրեց, որ առաջիկայում նախատեսված են նաև այլ թեմաներով վերապատրաստման դասընթացներ։
 
Դասընթացավարն է Չարլզ Մուգաբե Բալինան (ԱՄՆ), ով շինարարական ճարտարագիտության մագիստրոսի աստիճան ստացել է Միացյալ Թագավորությունում։ Երկարամյա աշխատանքային փորձ ունի միջազգային ծրագրերում, խորհրդատվական ծառայությունների՝ մեծ փորձառություն։
 
Այսօր և առաջիկա երեք օրերի ընթացքում թրեյնինգի մասնակիցներն անդրադառնալու են ծրագրի պլանավորման, կառավարման հետ կապված հարցերի։ Դասընթացի թեմաներից են՝ ռիսկերի, ժամանակի կառավարումը, ծրագրի ծախսերի գնահատման մեթոդները, ծրագրի առաջընթացի չափման տեխնիկաները և այլն։

Վերջին նորությունները

Հայտարարություն հանրային լսումների վերաբերյալ

19-08-2022

Հրավիրում ենք բոլոր շահագրգիռ կողմերին մասնակցելու Սյունիքի մարզի ազդակիր համայնքներում կայանալիք հանրային իրազեկման հանդիպումներին:

Կարդալ ավելին

Նորոգվել է դեպի Այգավան տանող ուղեանցը

15-08-2022

Տեղադրվել է ասֆալտբետոնե նոր ծածկ, ուղեանցը կահավորվել է անվտանգության տարրերով։

Կարդալ ավելին