Հեռավար հանդիպման ընթացքում քննարկվել են Քաջարան-Ագարակ ճանապարհատվածի կառուցման հետ կապված հարցեր

26-08-2020

Օգոստոսի 25-ին տեղի է ունեցել «Ճանապարհային դեպարտամենտ» ՊՈԱԿ-ի և Կայունացման և զարգացման եվրասիական հիմնադրամի ներկայացուցիչների հեռավար հանդիպումը‚ որի շրջանակում կողմերը քննարկել են Հյուսիս-հարավ ճանապարհային միջանցքի ներդրումային ծրագրի Տրանշ-4-ի Քաջարան-Ագարակ ճանապարհահատվածի կառուցման հետ կապված հարցեր։ Հիշեցնենք‚ որ նշված հատվածի կառուցումը ֆինանսավորվում է Հայաստանի Հանրապետության և Եվրասիական զարգացման բանկի Կայունացման և զարգացման եվրասիական հիմնադրամի միջոցներով: Ճանապարհահատվածի նախագծումն իրականացնում է «Այ Առ Դի Ինջենիրինգ և Ջի Փի Ինջեներիա» ՀԳ իտալական ընկերությունը։

«Ճանապարհային դեպարտամենտ» ՊՈԱԿ-ի գլխավոր տնօրենի ժամանակավոր պաշտոնակատար Ստեփան Մաչյանը‚ փոխտնօրեն Նարեկ Զուլալյանը‚ Հյուսիս-հարավ ճանապարհային միջանցքի ներդրումային ծրագրի Տրանշ-2 և Տրանշ-4 ծրագրերի ղեկավար Կարեն Բադալյանը ներկայացրել են կորոնավիրուսով պայմանավորված իրավիճակը Հայաստանում‚ համավարակով պարտադրված սահմանափակումների ազդեցությունը ծրագրի իրականացման‚ առաջընթացի վրա։ Նշվել է‚ որ այժմ ընթացքի մեջ է Տրանշ-4-ի Քաջարան-Ագարակ հատվածի նախագծումը‚ և առաջիկա ամիսներին պատվիրատուին կհանձնվի նախնական նախագիծը։ Քննարկվել են նախագծողի կողմից կատարվող աշխատանքի հաշվետվության մանրամասները։ Ըստ այդմ՝ նշվել է‚ որ կատարվում են գեոդեզիական նկարահանումներ‚ երկրաբանական ուսումնասիրություններ և այլն։

Դոնոր կազմակերպության կողմից տեսակապին մասնակցում էին Կայունացման և զարգացման եվրասիական հիմնադրամի տրանսպորտի և հաղորդակցման գծով ղեկավար Ա. Գլավատսկիխը‚ ծրագրերի իրականացման գլխավոր մենեջեր Ա. Ռաշչիկովը‚ հիմնադրամի ծրագրերի լիազոր ներկայացուցիչ Ա. Պողոսյանը‚ մոնիտորինգի և գնահատման բաժնի ղեկավար Օ. Սոսնինան‚ ստանդարտացման և քաղաքականության բաժնի գլխավոր մասնագետ Ա. Վասիլևը։

Հեռավար հանդիպումներն ու քննարկումները կշարունակվեն մինչև օգոստոսի 28-ը։

Վերջին նորությունները

Ճանապարհային դեպարտամենտը կարևորում է երիտասարդ կադրերի ներգրավումը ճանապարհաշինության ոլորտում

04-03-2021

Կարևոր է բուհերի և մասնագիտացած կազմակերպությունների համագործակցությունն ու ուսումնական պրակտիկայի անցկացումը, որպեսզի երիտասարդները կարողանան տեսական գիտելիքները կիրառել գործնական դաշտում և ոլորտում մրցունակ ու պահանջված մասնագետ դառնան։

Կարդալ ավելին

Մեկնարկել են Հ-8 և Մ-5 ավտոճանապարհների 9 վտանգավոր կետերի ճանապարհային անվտանգության և ենթակառուցվածքների բարելավման միջոցառումները

01-03-2021

Օրերս տրվել է շինարարական աշխատանքների մեկնարկը։ Աշխատանքների ավարտը նախատեսվում է 2021թ. օգոստոսին:

Կարդալ ավելին

Ճանապարհային դեպարտամենտի լաբորատորիայում կատարվում են հետազոտական աշխատանքներ

22-02-2021

Ձմռանը‚ երբ ճանապարհաշինական աշխատանքներ հիմնականում չեն կատարվում‚ լաբորատորիայում կատարում են սարքավորումների կարգաբերումներ և հետազոտական աշխատանքներ։

Կարդալ ավելին