Ասիական զարգացման բանկի (ԱԶԲ) տրանսպորտի ավագ մասնագետ Թոմաս Հերցը «Տրանսպորտային ծրագրերի իրակականացման կազմակերպություն» ՊՈԱԿ-ի գլխավոր տնօրենի պաշտոնակատար Քրիստինե Ղալեչյանի և ՊՈԱԿ-ի ճանապարհային ենթակառուցվածքների ավագ ինժեներ Արթուր Սանոյանի ուղեկցությամբ այցելել է Հյուսիս-հարավ ճանապարհային միջանցքի Տրանշ-3-ի՝ ԱԶԲ ֆինանսավորմամբ կառուցվող հատվածների շինարարական տեղամասեր։ Դիտարկվել ու քննարկվել է կապալառու կազմակերպության՝ չինական «Սինոհիդրո Քորփորեյշն» ՍՊԸ-ի կողմից իրականացվող աշխատանքների ընթացքը։    

Այցելությանը ներկա էին նաև շինարարության տեխնիկական վերահսկողությունն իրականացնող կազմակերպության՝ «Սպեա Ինջեներիա Եվրոպեա և ԱյԱրԴի Ինջինիերինգ կոնսորցիում» իտալական համատեղ ձեռնարկության ներկայացուցիչները։

Տեղեկացնենք, որ սեպտեմբերի 17-ից հոկտեմբերի 3-ը Հայաստանում է գտնվում ԱԶԲ առաքելությունը՝ պարոն Հերցի գլխավորությամբ։ Առաքելության նպատակն է ծանոթանալ բանկի աջակցությամբ կատարվող ճանապարհաշինական աշխատանքների ընթացքին, քննարկել աշխատանքների ընթացքում առաջացած մարտահրավերները և այլ հարցեր։