ՀՀ պետական բյուջեի միջոցներով իրականացվող պետական նշանակության ավտոճանապարհների հիմնանորոգման ծրագրերի շրջանակում մեծ ուշադրություն է դարձվում նաև տեղական նշանակության ճանապարհներին։ Տեղական նշանակության ճանապարհների երկարությունը Հայաստանի Հանրապետությունում ավելի քան 3500կմ է, դրանք գյուղական բնակավայրերը կապում են միջպետական, հանրապետական նշանակության հիմնական ճանապարհներին։

 

2023 թվականին արդեն իսկ կնքվել է 126կմ տեղական նշանակության ճանապարհների հիմնանորոգման պայմանագիր, որից 76.5կմ-ի հիմնանորոգման գումարները՝ 15.5 մլրդ դրամ, ՀՀ կառավարության որոշումներով հատկացվել են, աշխատանքները մեկնարկել են։ Առաջիկա օրերին նախատեսվում է ևս 19.4կմ-ի հիմնանորոգման գումարի (4.8 մլրդ դրամ) հատկացում կատարել։

 

Գյուղական ճանապարհները, որոնք նորոգվում են, տասնամյակներ շարունակ ասֆալտի երես չէին տեսել։

 

Այս պահին հիմնանորոգվում են Տ-5-23, /Մ-3/ - Սարամեջ ավտոճանապարհի կմ0+000-կմ4+300 հատվածը, Մ-6 - Եղեգնուտ - Դեբետ ավտոճանապարհի կմ0+000 - կմ7+183 հատվածը, Տ-5-46, /Մ-6/ (Ալավերդի)-Սանահին թաղամաս-Ակներ ավտոճանապարհի կմ0+000-կմ9+300, Տ-5-46 դեպի Սանահին վանական համալիր տանող հատվածները և բազմաթիվ այլ ճանապարհահատվածներ։