Լիճքից մինչև Մեղրի 10 կմ ճանապարհահատվածը հիմնանորոգվում է

27-07-2020

Մ-2, Երևան-Երասխ-Գորիս-Մեղրի-հայ-իրանական սահման միջպետական նշանակության ավտոճանապարհի Լիճք բնակավայրի խաչմերուկից մինչև Մեղրի 10 կմ երկարությամբ ճանապարհահատվածում (կմ 364+000 – կմ 374+000) կատարվում են հիմնանորոգման աշխատանքներ։ Կապալառու կազմակերպությունն է «Մեղրու ՃՇՇՁ» ընկերությունը։

Հունիսին սկսված շինարարական աշխատանքների ավարտը նախատեսված է մեկնարկից 180 օրվա ընթացքում։ Հիմնանորոգման շրջանակում իրականացվելու են հողային աշխատանքներ, ճանապարհի պատվածքի վերաօգտագործում սառը մշակման եղանակով, ջրահեռացման համակարգերի վերականգնում, երկու կամուրջների նորոգում, անվտանգության տարրերի, երկշերտ ասֆալտբետոնե ծածկի տեղադրում‚ նշագծում։ Աշխատանքների պայմանագրային արժեքը՝ մոտ 1 միլիարդ 12 միլիոն դրամ։

 

Վերջին նորությունները

Սահմանամերձ Այգեպարի փողոցները հիմնանորոգվել են

28-10-2020

Տավուշի մարզի Այգեպար սահմանամերձ գյուղական համայնքը փոխվել է՝ գեղեցիկ ասֆալտապատ փողոցներ, վերականգնվող տանիքներ։ «Տավուշի ՃՃՇ» ՓԲԸ-ն ՀՀ պետական բյուջեի միջոցներով Այգեպարում հիմնանորոգել է 2 կմ ընդհանուր երկարությամբ փողոցներ։

Կարդալ ավելին

Բացվել են տեխհսկողության ծառայությունների ձեռքբերման մրցույթին դիմած ընկերությունների տեխնիկական առաջարկները

27-10-2020

Ներկայացված 12 հետաքրքրվածության հայտերից կարճ ցուցակ են ընդգրկվել 8 ընկերություններ‚ որոնցից տեխնիկական և ֆինանսական առաջարկներ են ներկայացրել 4-ը։

Կարդալ ավելին