Հիմնանորոգվում է Հ-4, Երևան-Եղվարդ-Արագյուղ-Հարթավան /Մ-3/ հանրապետական նշանակության ավտոճանապարհի կմ33+500-կմ34+800 հատվածը՝ Արագածոտնի մարզի Երնջատափ գյուղը շրջանցող ճանապարհը։ 1,3կմ ճանապարհին հողային աշխատանքներն ավարտվել են‚ կառուցվել են մայթեր‚ մեկնարկել է ասֆալտապատումը‚ իրականացվել են նաև այլ աշխատանքներ։

 

Ճանապարհը կարևոր նշանակություն ունի գյուղի համար‚ քանի որ այն թույլ է տալիս շրջանցել բնակավայրը և բեռնատարների երթևեկը դուրս բերել գյուղից։

 

Շինարարությունը կատարում է «Եվրոասֆալտ» ՓԲԸ-ն։ Աշխղեկ Ալբերտ Թոփչյանը տեղեկացնում է‚ որ մինչ հիմնանորոգումը ճանապարհը գտնվում էր խիստ անբարեկարգ վիճակում‚ գրեթե անանցանելի էր։ Հիմնանորոգման շրջանակում տեղադրվել է ավազակոպճային շերտ՝ 10սմ‚ C-5 խճավազային խառնուրդ՝ 20սմ‚ նախատեսված է երկշերտ ասֆալտբետոնե ծածկ։ Աշխղեկը նաև նշում է‚ որ աշխատանքների տարբեր փուլերում իրականացվում են լաբորատոր ստուգումներ՝ կատարված շինարարության որակը գնահատելու նպատակով։

 

Շինաշխատանքների տեխնիկական հսկողությունը կատարում է «Ինժիներինգ» ՍՊԸ-ն։

 

Հիմնանորոգումը ֆինանսավորվում է ՀՀ պետական բյուջեից։