Կայացել է ճանապարհային անվտանգության տարածաշրջանային սեմինար

29-04-2019

Տրանսպորտային ծրագրերի իրականացման կազմակերպության ճանապարհային ենթակառուցվածքների առաջատար ինժեներ Արթուր Սանոյանն ապրիլի 24-25-ը մասնակցել է Նյու Դելիում կայացած ճանապարհային անվտանգության տարածաշրջանային սեմինարին։

Համաժողովին մասնակցում էին Ասիա-խաղաղօվկիանոսյան տարածաշրջանի երկրների ներկայացուցիչները։ Վերջիններս քննարկել են ճանապարհատրանսպորտային վթարների, մահացության և վնասվածքների հիմնական պատճառների վերացմանն առնչվող հարցեր, տարբեր երկրներում ճանապարհային անվտանգության քաղաքականությունները։

Արթուր Սանոյանը համաժողովի շրջանակներում ներկայացրել է Հայաստանի Հանրապետությունում ճանապարհային անվտանգության ապահովման միջոցառումները։ Մասնավորապես, խոսվել է ճանապարհային երթևեկության կանոնների խախտման դեպքում վարչական իրավախախտումների վերաբերյալ ՀՀ օրենսգրքում նախատեսված միջոցառումների, երթևեկության արագության սահմանափակման տեխնիկական և ինժեներական միջոցների և այլ թեմաների մասին։

Սեմինարը կազմակերպվել էր ՄԱԿ-ի Ասիա-խաղաղօվկիանոսյան տարածաշրջանի տնտեսական և սոցիալական կոմիտեի և Տրանսպորտի զարգացման ասիական ինստիտուտի կողմից։ 

Վերջին նորությունները

Հյուսիս-հարավ ճանապարհային միջանցքի Տրանշ-3-ում շինարարությունը շարունակվում է

20-10-2020

Ճանապարհաշինության ոլորտի պատասխանատուները հանդիպել են շինարարության տեխնիկական վերահսկողությունն իրականացնող կազմակերպության՝ «ԱյԱրԴի Ինջինիերինգ» ընկերության աշխատանքային թիմի նոր անձնակազմի հետ՝ Փոլ Կլարկի ղեկավարությամբ։

Կարդալ ավելին

Բագրատաշենի նոր կամրջի կառուցման շրջանակներում մեկնարկում է ազդակիր հողերի օտարման գործընթացը

18-10-2020

Բագրատաշենի նոր կամրջի շինարարական փուլը կմեկնարկի հողերի օտարման գործընթացից ու տարածքում առկա շինության և այլ կառուցվածքների ապամոնտաժումից հետո։

Կարդալ ավելին

Մասնակցություն՝ Պամիրյան տրակտի 80-ամյակին նվիրված միջազգային գիտագործնական համաժողովին

15-10-2020

Անդրադարձ է եղել մի շարք հարցերի‚ մասնավորապես՝ ճանապարհների վերանորոգման‚ պահպանման և տեխնիկական ուսումնասիրության համար կիրառվող ժամանակակից տեխնիկային‚ ճանապարհների վթարայնության մակարդակի վրա լեռնային տեղանքի ազդեցությանը և այլն։

Կարդալ ավելին