ՀՀ կառավարությունը նոյեմբերի 28-ի նիստում Մ6, Վանաձոր-Ալավերդի-Վրաստանի սահման միջպետական նշանակության ավտոմոբիլային ճանապարհի վերականգնման և բարելավման ծրագրի շրջանակներում վերակառուցվող Մ6, Վանաձոր-Ալավերդի-Վրաստանի սահման միջպետական նշանակության ավտոմոբիլային ճանապարհի կմ 38+450 - կմ 90+191 հատվածի օտարման գոտու սահմաններում գտնվող 21 միավոր հողամասերը ճանաչել է հանրության գերակա հանրային շահ: Դա թույլ կտա օրենքով սահմանված կարգով նախնական համարժեք փոխհատուցմամբ իրականացնել տվյալ հողամասերի օտարման գործընթացը: Օտարված տարածքները կհանձնվեն կապալառու կազմակերպություններին՝ շինարարական աշխատանքներն իրականացնելու նպատակով: