Հիմնանորոգվում է Հ-39, /Մ-10/ - Գավառ - /Մ-10/ հանրապետական նշանակության ավտոճանապարհի կմ4+300-կմ7+700 հատվածը։ 3.4կմ երկարությամբ ճանապարհն անցնում է Գավառ քաղաքով։ ՀՀ պետական բյուջեի միջոցներով հիմնանորոգումն իրականացնում է «Գավառի ՃՇՇ» ՓԲԸ-ն։

 

Շինաշխատանքները մեկնարկել են 2022 թվականին և այժմ ավարտական փուլում են։ Ինչպես տեղեկացրեց «Գավառի ՃՇՇ» ՓԲԸ-ի ինժեներ Բաղդասար Նազեյանը, ծրագրի շրջանակում Գավառում մոտ 3000 գծամետր ջրահեռացման ներքին ցանց են անցկացրել, 130-ից ավելի անձրևընդունիչ հոր և 60 դիտահոր է կառուցվել, տեղադրվել է ասֆալտբետոնե ծածկ։ Նորոգվել են նաև գետնանցում ու կամուրջ։ Առաջիկայում ճանապարհը կգծանշվի։

 

Նշված ճանապարհի հիմնանորոգման ծրագրում ՀՀ կառավարության որոշմամբ ավելացվել են լրացուցիչ ծավալներ. հիմնանորոգվում են նաև Գավառի հիվանդանոցից, 5-րդ դպրոցից, բազմաբնակարաններից դեպի հիմնական ճանապարհ տանող հատվածները, որտեղ այս պահին կատարվում են հողային աշխատանքներ։