Մարզեր կատարած աշխատանքային այցի շրջանակում ՀՀ տարածքային կառավարման և ենթակառուցվածքների նախարար Սուրեն Պապիկյանն այսօր այցելել է նաև Մ6 Վանաձոր-Ալավերդի-Վրաստանի սահման միջպետական ճանապարհ, որը հիմնանորոգվում է Մ6 Վանաձոր-Ալավերդի-Վրաստանի սահման միջպետական ավտոճանապարհի վերականգնման և բարելավման ծրագրի շրջանակում։ Նախարարը եղել է Ասիական զարգացման բանկի ֆինանսավորմամբ հիմնանորոգվող հատվածում (51.7 կմ): Ներկայում այստեղ ընթանում են հողային, ենթակառուցվածքների տեղափոխման աշխատանքներ:

Սուրեն Պապիկյանը հիմնանորոգվող ճանապարհահատվածում դիտարկել է աշխատանքների ընթացքը: Նախարարին զեկուցել են, որ աշխատանքներն ընթանում են ըստ ժամանակացույցի, և եթե խոչընդոտող հանգամանքներ չլինեն, կավարտվեն նախատեսված ժամկետում՝ մինչև 2020 թ. նոյեմբերի վերջ:

Զբոսաշրջության զարգացման, ինչպես նաև մարզերում տնտեսական ակտիվության առումով նախարարը ոչ պակաս կարևոր է համարել զարգացած, բարեկարգ ենթակառուցվածքներ ունենալու հանգամանքը:

Նյութը՝ ՀՀ տարածքային կառավարման և ենթակառուցվածքների նախարարության կայքից