ՀՀ Սյունիքի մարզում 2022 թվականի ընթացքում իրականացվել են մեծ ծավալի ճանապարհաշինական աշխատանքներ՝ ճանապարհների հիմնանորոգում, միջին նորոգում, վերակառուցում, կառուցում, վթարավտանգ հատվածների բարելավում։

Սյունիքում 2022-ին ավարտվել են մի շարք նոր ճանապարհների կառուցման աշխատանքները։ Մասնավորրապես, 2022 թվականի ընթացքում ավարտին է հասցվել Տանձավեր-Շուռնուխ 12.9կմ երկարությամբ նոր ճանապարհի կառուցումը։ Ավարտվել է նաև Հ-46 (Քաշունի գյուղի խաչմերուկից)-Բարձրավան 8.7կմ ավտոճանապարհի, ինչպես նաև Մ-17 /Մ-2/ (Կապան)-Ծավ-/Մ-2/ ավտոճանապարհի Կապան-Ճակատեն շրջանցիկ հատվածի (7.48կմ) կառուցումը։ Տարվա ընթացքում տրվել է նաև Մ-2, (Սյունիք) /Մ-2/-Աղվանի-Տաթև-/Մ-2/ ավտոճանապարհի Վերին Խոտանանը շրջանցող ճանապարհահատվածի (11կմ) կառուցման մեկնարկը։ Այստեղ աշխատանքները կատարվում են երկու փուլով։ Ընթացիկ տարում մեկնարկել է նաև Տեղ-Կոռնիձոր-ՀՀ պետական սահման 11.8կմ երկարությամբ ճանապարհահատվածի վերակառուցումը։   

Նշված բոլոր ճանապարհների կառուցման ֆինանսական միջոցները հատկացվել են ՀՀ պետական բյուջեից։