Տրանշ-3-ի շինարարությունը, ներգրավելով տեղի աշխատուժը, նպաստում է հարակից մարզերում ապրող մարդկանց սոցիալական խնդիրների լուծմանը

31-05-2021
Հյուսիս-հարավ ճանապարհային միջանցքի Տրանշ-3-ում, որն ընդգրկում է Թալին-Գյումրի հատվածը (մոտ 46 կմ), կապալառու կազմակերպությունը՝ չինական «Սինոհիդրո Քորփորեյշն» ընկերությունը, շարունակում է լայնածավալ շինարարական աշխատանքները։ «Սինոհիդրո Քորփորեյշն» ընկերության ներկայացուցիչ Գաո Գուիհուան նշում է, որ կառուցվող ճանապարհի մի ուղղությամբ արդեն ավարտել են հողային աշխատանքները, մեկնարկել է ասֆալտապատումը, հիմնականում ավարտվել են նաև ճանապարհին առկա կառույցների վրա տարվող աշխատանքները։ Մինչև 2021 թվականի վերջ ընկերությունը փորձելու է ավարտին հասցնել ճանապարհի մի ուղղությամբ մոտ 50 կմ-ի ասֆալտապատումը։ Ընկերության ներկայացուցիչը նկատում է, որ այդ աշխատանքը հաջողությամբ կյանքի կոչելու համար անհրաժեշտ են մեծ թվով որակյալ ինժեներներ և աշխատողներ, ինչն ապահովվում է ինչպես չինացի, այնպես էլ տեղացի մասնագետների ուժերով։ Այս տարի կապալառուն կտեղադրի երկու շերտ ասֆալտե ծածկ։ Վերջին՝ երրորդ շերտը կտեղադրվի հաջորդ տարի՝ աշխատանքներն ավարտին հասցնելուց անմիջապես առաջ։
 
Նկատենք, որ Տրանշ-3-ի շինարարության մեջ ներգրավված են մեծ թվով աշխատակիցներ տեղի տարածաշրջանից։ Ենթակառուցվածքային այս խոշորագույն ծրագիրը նպաստում է նաև Տրանշ-3-ի հարակից մարզերում ապրող մարդկանց սոցիալական խնդիրների լուծմանը։ Ըստ Գաո Գուիհուայի՝ Տրանշ-3-ի շինաշխատանքներում, մասնավորապես, նախորդ ամսվա վերջի տվյալներով, ներգրավված է եղել մոտ 245 տեղացի աշխատող։ Ընդ որում, այդ թիվը շինարարական սեզոնին աճում է, և հուլիս-օգոստոս ամիսներին կանխատեսում են հասցնել մոտ 350-ի։
 
Գաո Գուիհուան շեշտում է, որ Հյուսիս-հարավի Տրանշ-3-ի կառուցումը հաջողությամբ ավարտին հասցնելն իրենց համար շատ կարևոր է, և այդ ուղղությամբ անում են առավելագույնը։ Նա նաև նշում է, որ չինական կազմակերպությունը հետաքրքրված է շարունակելու համագործակցությունը Հյուսիս-հարավ ծրագրի շրջանակներում։ «Մենք չենք նախատեսում ավարտել Տրանշ-3-ը և վերադառնալ Չինաստան, «Սինոհիդրոն» հետաքրքրված է նաև Հյուսիս-հարավի մյուս տրանշների աշխատանքներով։ Բացի այդ, մեր կազմակերպությունը մեծ փորձառություն ունի նաև այլ ոլորտներում՝ էներգետիկա, հիդրոէներգետիկա և այլն»,- ասաց չինական ընկերության ներկայացուցիչը։

Վերջին նորությունները

Գեղարքունիքի մարզի երկու հատվածներում ավարտվել են ճանապարհաշինական աշխատանքները

08-12-2021

Շինարարական աշխատանքները Շողակաթի հատվածում իրականացրել են «Արտաշես և Տաթևիկ», Ծափաթաղի հատվածում՝ «ՎՄՎ-Քամփնի» ընկերությունները։

Կարդալ ավելին

Հայտարարվել է Հյուսիս-հարավի Տրանշ-2-ի՝ Ագարակ համայնքի մոտ շուրջ 8 կմ հատվածի վերակառուցման աշխատանքների ձեռքբերման մրցույթ

03-12-2021

Աշխատանքները պետք է իրականացվեն մանրամասն նախագծին և տեխնիկական մասնագրերի պահանջներին համապատասխան, որոնք հանդիսանում են պատվիրատուի կողմից տրամադրվող մրցութային փաթեթի անբաժան մաս:

Կարդալ ավելին

Ինչպես են ճանապարհները մշակվում ձմռանը

03-12-2021

Ձյան տեղումների ժամանակ ճանապարհները մաքրվում են, երբ ծածկի արտաքին շերտը 3-4 սմ-ից ավելի է։ Մաքրմանը հաջորդում են աղով և ավազով մշակման աշխատանքները։ Երկարատև ձյան տեղումների ժամանակ գործընթացը կատարվում է պարբերաբար։

Կարդալ ավելին