Նորություններ և Հայտարարություններ

05-02-2020

Հանդիպում՝ ԱԶԲ Կենտրոնական և Արևմտյան Ասիայի վարչության տրանսպորտի և կապի բաժնի տնօրեն Դոնգ-Սու Պյոյի հետ

Ներկայացվել են կազմակերպության կառուցվածքային փոփոխությունները՝ նշելով‚ որ ճանապարհաշինական ոլորտում աշխատանքներ իրականացնող երկու կազմակերպությունները միավորվել են և այսուհետև հանդես են գալու որպես «Ճանապարհային դեպարտամենտ» ՊՈԱԿ՝ կատարելով վարկային և պետական բյուջեից հատկացվող միջոցներով իրականացվող ճանապարհաշինական աշխատանքները։

04-02-2020

Տեղի է ունեցել Տրանսպորտի և առևտրի խթանման ռազմավարության մշակման մեկնարկին նվիրված առաջին աշխատաժողովը

Աշխատաժողովի սկզբում ԱԶԲ մասնագետները ներկայացրին ՀՀ տրանսպորտային ուղիներին նվիրված մանրակրկիտ վերլուծություններ։ Հանգամանորեն քննարկվեցին ռազմավարության հիմնական նպատակները‚ սկզբունքները, ուղղությունները։

03-02-2020

Ագարակի 8 կմ հատվածի կառուցման համար պատրաստվել և ԱԶԲ-ին է ներկայացվել հողերի օտարման և տարաբնակեցման ծրագիրը

Ագարակի 8 կմ ճանապարհահատվածի կառուցման համար հողերի օտարման և տարաբնակեցման ծրագիրն արդեն պատրաստվել է, ներկայացվել է ծրագիրը ֆինանսավորող կազմակերպության՝ Ասիական զարգացման բանկի հաստատմանը։ Այն դեռևս գտնվում է բանկի ուսումնասիրման փուլում։ Ըստ մշակված ծրագրի՝ ազդեցության է ենթակա 299 հող։

29-01-2020

Տրանշ-3-ում իրականացվում են փոսալցման‚ ճանապարհային նշանների տեղադրման աշխատանքներ

Տրանշ-3-ում կապալառուն օրերս 18 կետերում տեղադրել է նաև ճանապարհային անհարթությունների մասին զգուշացնող‚ ինչպես նաև՝ 22 հատ հետիոտնային անցման նշաններ։

24-01-2020

«Սուարդի» ընկերությունը Մ6-ում շարունակում է հիմնանորոգման աշխատանքները

Հաղպատ-Բագրատաշենի սահմանային անցակետ ճանապարհահատվածը‚ կապալառու կազմակերպությունը՝ իտալական «Սուարդի» ընկերությունը‚ կատարում է վաքերի տեղադրման‚ հենապատերի կառուցման և այլ աշխատանքներ։

24-01-2020

Բագրատ Բադալյանին ներկայացվել են Բագրատաշենի նոր կամրջի նախագծի և շինարարության նախապատրաստման հետ կապված հարցեր

Կապալառու կազմակերպությունը ներկայացրել է ծրագրի առաջընթացը, մասնավորապես՝ մանրամասներ կամրջի նախագծի վերաբերյալ: Քննարկվել են առաջիկա անելիքները և շինարարության նախապատրաստման հետ կապված հարցեր:

23-01-2020

ՏԾԻԿ-ը 2019թ. վերականգնել է մոտ 70.5 կմ ճանապարհ‚ շարունակել է մոտ 98 կմ ճանապարհների վերակառուցման ու հիմնանորոգման աշխատանքները

«Տրանսպորտային ծրագրերի իրականացման կազմակերպություն» ՊՈԱԿ-ը 2019թ. ընթացքում իրականացրել է մի շարք ծրագրեր‚ որոնց ընթացքում կատարել է ճանապարհների վերականգնման‚ հիմնանորոգման աշխատանքներ‚ աշխատանքներ է տարել ճանապարհային երթևեկության անվտանգության բարելավման ուղղությամբ։

20-01-2020

Փոխնախարար Բագրատ Բադալյանը շրջայց է կատարել Մ6 միջպետական ճանապարհի հիմնանորոգվող տեղամասերում

Փոխնախարար Բադալյանը տարբեր հատվածներում կանգառներ է կատարել, լսել ճանապարհաշինարարների մտահոգություններն ու աշխատանքի ընթացքում ծագող խնդիրները: Փոխնախարարին ներկայացվել են աշխատանքների ընթացքը և նրա վերջին այցելությունից հետո գրանցված առաջընթացը։

16-01-2020

Կապալառուն իրականացնում է նաև աղբից մաքրման աշխատանքներ և ձմեռային սպասարկում

Հյուսիս-հարավ ճանապարհային միջանցքի Տրանշ 3-ում՝ Թալին-Գյումրի ճանապարհահատվածում‚ կապալառու կազմակերպության` «Սինոհիդրո Քորփորեյշն» ընկերության կողմից ձմռան ամիսներին կատարվում են ճանապարհի ձմեռային սպասարկման աշխատանքներ։ Կապալառու կազմակերպությունն իրականացնում է նաև ճանապարհն աղբից մաքրելու աշխատանքներ։

14-01-2020

Ճանապարհաշինության գործընթացում ունեցած ավանդի համար ոլորտի մի շարք աշխատակիցներ նախարար Սուրեն Պապիկյանի կողմից արժանացել են պատվոգրերի

Պարոն Բադալյանը նախարարի և իր անունից շնորհավորել է պարգևատրվածներին՝ նշելով‚ որ անցած 2019 թվականին ճանապարհաշինության ոլորտում բարձր արդյունքներ են գրանցվել‚ ինչը ՀՀ տարածքային կառավարման և ենթակառուցվածքների նախարարության և համապատասխան ստորաբաժանումների համատեղ աշխատանքի արդյունք է։

14-01-2020

Քննարկվել են Տրանշ-5-ի նախագծին և հողերի օտարման և տարաբնակեցման ծրագրի պատրաստման գործողությունների ընթացքին առնչվող հարցեր

Տրանսպորտային ծրագրերի իրականացման կազմակերպությունում հունվարի 14-ին տեղի է ունեցել հանդիպում Հյուսիս-հարավ ճանապարհային միջանցքի Տրանշ-5-ի նախագծման խորհրդատու AIC Progetti S.p.A. (Իտալիա) կազմակերպության ներկայացուցիչ Ֆրանչեսկո դի Պասկուալե Ֆարինայի հետ։

09-01-2020

Մեկնարկել է Հաղպատի վանական համալիր տանող ճանապարհի հիմնանորոգումը

Կապալառու կազմակերպությունը՝ «Ճանապարհ» ՍՊԸ-ն‚ իրականացրել է հողային աշխատանքներ։