Նորություններ և Հայտարարություններ

29-11-2018

Հանդիպում «ՍՊԵԱ և Այ Ար Դի»-ի ներկայացուցիչների հետ

Քննարկվել են Տրանշ-3-ի Թալին-Գյումրի ճանապարհահատվածի երկայնքով տեղակայված Բենիամին հնագիտական համալիրին հարակից 1,5 կիլոմետրանոց ճանապարհահատվածի նոր նախագծի հետ կապված հարցեր։

24-11-2018

"PowerChina"-ի ներկայացուցիչների հետ քննարկվեցին Հյուսիս-հարավ ճանապարհային միջանցքի շինարարությանն առնչվող հարցեր

Ներկայացվել է նաև Հյուսիս-հարավ ճանապարհային միջանցքի հարավային ուղղությունը՝ Տրանշ-4-ը (Արտաշատ-Ագարակ)։ Չինական կողմին, մասնավորապես, հետաքրքրում էին մի շարք հարցեր Տրանշ-4-ի կառուցման ընթացքում պետություն-մասնավոր հատված հնարավոր համագործակցության վերաբերյալ։

22-11-2018

Քննարկվեցին Տրանշ-1-ին և Տրանշ-2-ին առնչվող հարցեր

Վ. Պետրոսյանը շեշտեց, որ Տրանշ-2-ի ճանապարհի ձմեռային սպասարկումը պետք է իրականացնի կապալառու կազմակերպությունը, ինչը և՜ նշված կազմակերպության հետ կնքված պայմանագրի, և՜ ՀՀ օրենսդրության պահանջն է։

21-11-2018

Նախարարի պաշտոնակատարը այցելել է Թալին-Լանջիկ ճանապարհահատված

Նախարարի պաշտոնակատարն ընդգծել է, որ Հյուսիս-հարավի շինարարությունը կարևորագույն նշանակություն ունի մեր երկրի և ժողովրդի համար, և շինարարության ընթացքը խստագույնս վերահսկվելու է՝ բացառելով որակական որևէ շեղում

19-11-2018

Տրանսպորտային ծրագրերի իրականացման կազմակերպությունում հյուրընկալել էին Հայաստանում Ղազախստանի դեսպանատան խորհրդականին

Վազգեն Պետրոսյանը ղազախ դիվանագետին ներկայացրել է Հյուսիս-հարավ ճանապարհային միջանցքում կատարվող աշխատանքները, ընդգծել է, որ անհրաժեշտ է կապեր հաստատել Տրանսպորտային ծրագրերի իրականացման կազմակերպության և ղազախական պետական կառույցների հետ, որոնք իրագործում են տրանսպորտային ենթակառուցվածքների շինարարություն։

16-11-2018

Դիտակ և Ջրաշեն համայնքներում այսուհետև կերթևեկեն վերանորոգված ավտոճանապարհով

Վերանորոգված 2,116 կմ ընդհանուր երկարությամբ ճանապարհի 0,75 կմ-ն անցնում է Դիտակ համայնքով, 1,366 կմ-ն՝ Ջրաշենով։ Կապալառու կազմակերպությունը՝ «Կապավոր» ՍՊԸ-ն, անցած յոթ ամիսների ընթացքում վերանորոգել է ճանապարհի հողային պաստառը, տեղադրել ասֆալտբետոնե պատվածք, վերանորոգել է ջրահեռացման համակարգը, տեղադրել է նոր երկաթբետոնե վաքեր և մետաղական խողովակներ։

15-11-2018

ԱԶԲ ներկայացուցիչների հետ քննարկվեցին ընթացիկ հարցեր

Արծարծվեցին Տրանշ-2 և Տրանշ-3 հատվածներում իրականացված աշխատանքների ծավալները, ֆիզիկական առաջընթացը։

13-11-2018

«Ariana Tunnel Dam Co.» ընկերությունը ներկայացրեց Բագրատաշենի նոր կամրջի շինարարության ծրագրի շրջանակներում կատարված նախապատրաստական աշխատանքները

Տրանսպորտային ծրագրերի իրականացման կազմակերպության ներկայացուցիչները նշեցին, որ «Ariana Tunnel Dam Co.» ընկերությունը պետք է իր աշխատանքներում ուշադրության կենտրոնում պահի հողերի օտարման և տարաբնակեցման հետ կապված հնարավոր խնդիրները, տարածքում բնակվող մարդկանց սոցիալական հարցերը, շինարարական աշխատանքների ընթացքում բնապահպանական և պատմամշակութային հնարավոր ազդեցությունները։

12-11-2018

Վրացական կողմի հետ քննարկվեցին «Բարեկամություն» կամրջի կառուցման հետ կապված կազմակերպչական հարցեր

Նոյեմբերի 9-ին «Տրանսպորտային ծրագրերի իրականացման կազմակերպություն» ՊՈԱԿ-ի գլխավոր տնօրենի պաշտոնակատար Վազգեն Պետրոսյանը և կազմակերպության ճանապարհային ենթակառուցվածքների առաջատար ինժեներ Արթուր Սանոյանը Թբիլիսիում հանդիպել են Վրաստանի տարածքային զարգացման և ենթակառուցվածքների նախարարի առաջին տեղակալ, Ճանապարհների դեպարտամենտի պետ Իրակլի Կարսելաձեի և պետի տեղակալ Լևան Կուպատաշվիլիի հետ։

06-11-2018

«Կորսան Կորվիամ»-ի տնօրենի հետ քննարկվեցին Տրանշ-1 և Տրանշ-2-ում շինարարության որակին առնչվող հարցեր

«Տրանսպորտային ծրագրերի իրականացման կազմակերպություն» ՊՈԱԿ-ի գլխավոր տնօրենի պաշտոնակատար Վազգեն Պետրոսյանը հանդիպել է Հյուսիս-հարավ ճանապարհային միջանցքի Տրանշ-1 և Տրանշ-2 հատվածների կապալառու կազմակերպության՝ «Կորսան Կորվիամ» ընկերության տնօրեն Ժոզե Ալբերտո Կարասկոյի հետ։

05-11-2018

Սկսվել է Վանաձոր-Ալավերդի-Վրաստանի սահման (Մ-6) միջպետական ավտոճանապարհի 2-րդ՝ 51.74 կմ հատվածի հիմնանորոգումը

Վանաձոր-Ալավերդի-Վրաստանի սահման (Մ-6) միջպետական ճանապարհի հիմնանորոգման աշխատանքներում նոր շրջափուլ է սկսվել։

03-11-2018

Հյուսիս-հարավ ճանապարհային միջանցքի ներդրումային ծրագրի շրջանակներում Թալինի հարակից տարածքում իրականացվել է ծառատունկ

Համաձայն Հյուսիս-հարավ ճանապարհային միջանցքի ներդրումային ծրագրի Տրանշ 3-ի շրջակա միջավայրի վրա ազդեցության գնահատման հաշվետվության մեղմացուցիչ միջոցառումների` պահանջվում է ճանապարհի շինարարության ընթացքում հատված յուրաքանչյուր ծառի փոխարեն տնկել 10-ը։