Տրանշ 2 (Աշտարակ – Թալին)

Տրանշ 2 (Աշտարակ-Թալին) ընդհանուր երկարությունը՝ շուրջ 42կմ

Երկրորդ տրանշի վարկային համաձայնագիրը ստորագրվել է 2011թ. մայիսի 30-ին:

Նախագծային աշխատանքներ իրականացնող խորհրդատու կազմակերպությունն է ֆրանսիական «Էջիս Բիսիոմ Ինթերնեյշնլ» ընկերությունը:

Մինչև 18.07.2019թ. կապալառու կազմակերպությունն էր իսպանական «Կորսան Կորվիամ Կոնստրուկսիոն Էս Ա» ընկերությունը:

Մինչև 31.12.2019թ. կառավարման խորհրդատու և շինարարության տեխնիկական վերահսկողությունն իրականացնող կազմակերպությունն էր ֆրանսիական «Սաֆեժ» և իսպանական «Էպտիսա» ընկերությունների համատեղ ձեռնարկությունը: 

Հաշվի առնելով այն հանգամանքը, որ կապալառուն դադարեցրել է շինարարական աշխատանքները՝ սկսած 2018-ի տարեվերջից և լքել է Հայաստանը, 2019 թվականի հուլիսի 18-ին «Կորսան Կորվիամ Կոնստրուկսիոն» իսպանական ընկերությանը ծանուցվել է պայմանագիրը լուծելու մասին՝ կապալառուի կողմից պայմանագրի դրույթների բազմաթիվ խախտումների, ինչպես նաև վերջինիս անվճարունակ լինելու պատճառով: 

2020-2021 թվականներին միջոցներ են ձեռնարկվել այլ կապալառու/կապալառուների միջոցով ծրագիրը շարունակելու ուղղությամբ: 2021 թվականին ներգրավվել է ծրագրի նոր ինժեներ/խորհրդատու՝ նախորդ շինարարի կողմից չիրականացված ծավալների հաշվարկման, առկա նախագծերի լրամշակման, նոր մրցութային փաստաթղթերի մշակման, ինչպես նաև շինարարության ժամանակ Ինժեների գործունեությունն իրականացնելու համար: Համապատասխան պայմանագիր է ստորագրվել «Էջիս Ինթերնեյշնլ» և «Կոքս Կոնսալթ» համատեղ ձեռնարկության հետ:

Շինարարություն վերսկսվել է երկու հատվածներով՝

1. Ագարակի հնագիտական վայրը շրջանցող 8կմ հատված (Մ-1 կմ 29+600-կմ 37+545) և
2. 34 կմ անավարտ հատված (Մ-1 կմ 37+545-կմ 71+500):

Տրանշ-2-ի Ագարակի հնագիտական վայրը շրջանցող մոտ 8կմ հատվածի (Մ-1, Երևան-Գյումրի-Վրաստանի սահման միջպետական նշանակության ճանապարհի կմ29+600 մինչև կմ37+545) կառուցման աշխատանքները մեկնարկել են 2023թ. հունվարին։ Կապալառու կազմակերպությունն է «ԱԱԲ  Պրոեկտ» ՍՊԸ (Հայաստան) և «Մ/ս Դայնեշ Չանդրա  Ռ.Ագրավալ» (Հնդկաստան) համատեղ ձեռնարկությունը։ Պայմանագրի տևողությունը՝ 18 ամիս։

Տրանշ-2-ի 34կմ հատվածի (Մ-1, Երևան-Գյումրի-Բավրա կմ37+545-կմ71+500)  կառուցման պայմանագիրը կնքվել է 03.10.2023թ։ Կապալառու կազմակերպությունն է «Լևանտինա Ինխեներիա ի Կոնստրուկսիոն» Ս․Լ և «Օբրաս Պուբլիկաս ի Ռեգադիոս» Ս․Ա» ՀՁ-ն։ Պայմանագրի տևողությունն է 18 ամիս։  

Երկրորդ տրանշը ֆինանսավորվում է հետևյալ աղբյուրներից՝

• ԱԶԲ-ի OCR ֆոնդից (սովորական վարկային միջոցներ)
• ՀՀ պետբյուջե