+++

Փետրվարի 1-ին՝ ժամը 09։00-ի դրությամբ, Թալինի, Արթիկի, Ախուրյանի, Աշոցքի, Նաիրիի, Սևանի և Ջերմուկի տարածաշրջաններում ձյուն է տեղում։

Աբովյանի, Նաիրիի, Աշտարակի տարածաշրջաններում և Վարդենյաց լեռնանցքում տեղ-տեղ մերկասառույց է։

Մ-4 ավտոճանապարհի՝ Աբովյանի տարածաշրջանով անցնող ավտոճանապարհին (Չայնիի հատվածում) և Լանջիկ-Մաստարա-Գյումրի ճանապարհահատվածում մառախուղ է, տեսանելիությունը՝ 20-30 մետր։

Միջպետական և հանրապետական նշանակության բոլոր ավտոճանապարհները բաց են։

Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:

Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով: