Դեկտեմբերի 9-ին՝ ժամը 20։00-ի դրությամբ, Թալինի, Արթիկի, Սևանի, Գավառի, Վարդենիսի, Ճամբարակի տարածաշրջաններում ձյուն է տեղում, իսկ Արմավիրի, Բաղրամյանի և Լոռիի ավտոճանապարհներին՝ անձրև։

Աշոցքի, Հրազդանի ավտոճանապարհներին մառախուղ է, տեսանելիությունը՝ 100-150 մետր։ Գորիսի տարածաշրջանում խիտ մառախուղ է, տեսանելիությունը՝ 10-20 մետր։

Վարդենյաց և Ստեփանավանի լեռնանցքներում տեղ-տեղ մերկասառույց է։

Միջպետական և հանրապետական նշանակության բոլոր ավտոճանապարհները բաց են:

Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:

+++

Դեկտեմբերի 9-ին՝ ժամը 17։00-ի դրությամբ‚ Թալինի, Մարալիկի, Արթիկի, Աշոցքի, Թումանյանի և Կոտայքի տարածաշրջանների ավտոճանապարհներին ձյուն է տեղում։
Միջպետական և հանրապետական նշանակության բոլոր ավտոճանապարհները բաց են:
Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:

+++

ՀՀ ՏԿԵՆ «Ճանապարհային դեպարտամենտ» պետական ոչ առևտրային կազմակերպությունը տեղեկացնում է, որ դեկտեմբերի 9-ին՝ ժամը 09։30-ի դրությամբ‚ Թալինի, Մարալիկի, Արթիկի, Ախուրյանի, Աշոցքի, Ապարանի, Ստեփանավանի, Թումանյանի, Կոտայքի, Դիլիջանի, Ճամբարակի, Վայքի և Սիսիանի տարածաշրջանների ավտոճանապարհներին ձյուն է տեղում։ Դիլիջանի, Ապարանի տարածաշրջանների ավտոճանապարհներին և Ուշիից դեպի «Տառեր» կոչվող ճանապարհահատվածում տեղ-տեղ մերկասառույց է։

Միջպետական և հանրապետական նշանակության բոլոր ավտոճանապարհները բաց են:

Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:

Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով: