+++

Մարտի 12-ին՝ ժամը 19։00-ի դրությամբ‚ առատ ձյան պատճառով Դիլիջանի ոլորանները փակ են կցորդով տրանսպորտային միջոցների համար։

+++

Մարտի 12-ին՝ ժամը 17։40-ի դրությամբ‚ Սարավանի լեռնանցքը մարդատար տրանսպորտային միջոցների համար դժվարանցանելի է, իսկ ծանրաքաշ և կցորդով տրանսպորտային միջոցների համար՝ փակ։

+++

Մարտի 12-ին՝ ժամը 17։00-ի դրությամբ‚ Սպիտակի, Վանաձորի, Ստեփանավանի, Թումանյանի, Թալինի, Անիի, Արթիկի, Աշոցքի, Սևանի, Նոյեմբերյանի, Վայքի, Սիսիանի, Գորիսի, Կապանի‚ Մեղրիի տարածաշրջաններում ձյուն է տեղում։

Սաստիկ բքի և տեսանելիության բացակայության պատճառով Սարավանի և Վարդենյաց լեռնանցքները, Թթուջուր-Նավուր, Գնդեվազ-Ջերմուկ և Զովաշեն-Սևաբերդ ավտոճանապարհները փակ են բոլոր տեսակի տրանսպորտային միջոցների համար։

Բքի պատճառով Սիսիանի ավտոճանապարհները դժվարանցանելի են։ Ախուրյանի, Ապարանի, Սևանի (Ծովագյուղից մինչև Շորժա), Գավառի, Աբովյանի (Չայնիի հատված) տարածաշրջաններում, Մարտունի-Վարդենիս ավտոճանապարհին և Մեղրիի լեռնանցքում բուք է։

Միջպետական և հանրապետական նշանակության մյուս ավտոճանապարհները բաց են:

+++

Առատ ձյան և սաստիկ բքի պատճառով Հ-46‚ Տաթև-Աղվանի հանրապետական նշանակության ավտոճանապարհը փակ է բոլոր տեսակի տրանսպորտային միջոցների համար։

Վարորդներին հորդորում ենք ձեռնպահ մնալ նշված ուղղությամբ երթևեկելուց։

+++

Սարավանի լեռնանցքը և Գնդեվազ-Ջերմուկ ավտոճանապարհը սաստիկ բքի և անբավարար տեսանելիության պատճառով փակ են։ Դժվարանցանելի է Սիսիան-Գորիս ճանապարհահատվածը։

Հարգելի՛ վարորդներ‚ անվտանգության նկատառումներից ելնելով՝ հորդորում ենք վերոնշյալ ճանապարհահատվածներով չերթևեկել։

Ճանապարհների վիճակի մասին նախապես կարելի է իրազեկվել՝ զանգահարելով 010 562533 հեռախոսահամարով։

+++

ՀՀ ՏԿԵՆ «Ճանապարհային դեպարտամենտ» ՊՈԱԿ-ը տեղեկացնում է, որ մարտի 12-ին՝ ժամը 09։30-ի դրությամբ‚ Հայաստանի Հանրապետության ամբողջ տարածքով ձյուն է տեղում։

Դիլիջանի ոլորանները փակ են կցորդով տրանսպորտային միջոցների համար։ Նոյեմբերյանի տարածաշրջանի ավտոճանապարհները դժվարանցանելի են կցորդով տրանսպորտային միջոցների համար։

Սաստիկ բքի և տեսանելիության բացակայության պատճառով Սարավանի և Վարդենյաց լեռնանցքները, Թթուջուր-Նավուր ավտոճանապարհը փակ են բոլոր տեսակի տրանսպորտային միջոցների համար։ Բքի պատճառով Սիսիանի ավտոճանապարհները դժվարանցանելի են։

Ախուրյանի, Ապարանի, Սևանի, Գավառի, Նաիրիի, Աբովյանի տարածաշրջաններում բուք է։ Թալինի տարածաշրջանում մառախուղ է, տեսանելիությունը՝ 50-60 մետր։

Միջպետական և հանրապետական նշանակության մյուս ավտոճանապարհները բաց են:

Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:

Հարգելի՛ վարորդներ, հորդորում ենք լինել ուշադիր, խստագույնս պահպանել երթևեկության կանոնները և երթևեկել բացառապես ձմեռային անվադողերով։