Դեկտեմբերի 24-ին՝ ժամը 20։00-ի դրությամբ‚ Սիսիանի, Գորիսի, Կապանի, Մեղրիի տարածաշրջանների ավտոճանապարհներին ձյուն է տեղում: Առատ ձյան պատճառով Շուռնուխ-Կապան ավտոճանապարհը դժվարանցանելի է։

Վարդենյաց լեռնանցքը ծանրաքաշ և կցորդիչով տրանսպորտային միջոցների համար փակ են: Աբովյանի, Սիսիանի տարածաշրջաններում, Արթիկ-Ալագյազ և Վանաձոր-Դիլիջան ավտոճանապարհներին տեղ-տեղ մերկասառույց է։

Միջպետական և հանրապետական նշանակության մյուս ավտոճանապարհները բաց են:

+++

Դեկտեմբերի 24-ին՝ ժամը 17։30-ի դրությամբ‚ Սիսիանի, Գորիսի, Կապանի և Մեղրիի տարածաշրջաններում ձյուն է տեղում։ Ապարանի տարածաշրջանում, Սպիտակի ոլորաններում, Արթիկ-Աալագյազ և Վանաձոր-Դիլիջան ճանապարհահատվածներում տեղ-տեղ մերկասառույց է։

Վարդենյաց լեռնանցքը մերկասառույցի պատճառով փակ է կցորդիչով տրանսպորտային միջոցների համար։

Միջպետական և հանրապետական նշանակության մյուս ավտոճանապարհները բաց են:

Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:

+++

ՀՀ ՏԿԵՆ «Ճանապարհային դեպարտամենտ» պետական ոչ առևտրային կազմակերպությունը տեղեկացնում է, որ դեկտեմբերի 24-ին՝ ժամը 09։30-ի դրությամբ‚ Թալինի, Մարալիկի, Ախուրյանի, Աշտարակի, Ապարանի, Արագածի, Սպիտակի, Վանաձորի, Ստեփանավանի, Թումանյանի, Դիլիջանի, Աբովյանի, Հրազդանի, Ճամբարակի, Գավառի, Մարտունիի, Վարդենիսի, Մասիսի, Արարատի, Վայքի, Սիսիանի, Գորիսի, Կապանի և Մեղրիի տարածաշրջաններում ձյուն է տեղում։

Թալինի, Մարալիկի, Սպիտակի, Վանաձորի, Թումանյանի, Հրազդանի, Դիլիջանի, Արարատի տարածաշրջանների ավտոճանապարհներին, Արթիկ-Ալագյազ ճանապարհահատվածում, Քեթիի և Ջաջուռի լեռնանցքներում տեղ-տեղ մերկասառույց է։

Վարդենյաց լեռնանցքը մերկասառույցի պատճառով կցորդիչով տրանսպորտային միջոցների համար փակ է։

Միջպետական և հանրապետական նշանակության մյուս ավտոճանապարհները բաց են:

Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:

Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով: