ՀՀ ճանապարհների վիճակը 26.11.2020
Նոյեմբերի 26-ին՝ ժամը 20։00-ի դրությամբ, Ճամբարակի և Սիսիանի տարածաշրջաններում թույլ ձյուն է տեղում։
Գորիսի տարածաշրջանի ավտոճանապարհներին մառախուղ է, տեսանելիությունը՝ 50-100 մետր։
Գավառի տարածաշրջանի ավտոճանապարհներին տեղ-տեղ մերկասառույց է։
Միջպետական և հանրապետական նշանակության բոլոր ավտոճանապարհները բաց են:
Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:
+++
Նոյեմբերի 26-ին՝ ժամը 17։00-ի դրությամբ‚ Ճամբարակի, Սևանի, Գավառի տարածաշրջանների ավտոճանապարհներին ձյուն է տեղում, իսկ Գորիսի ավտոճանապարհներին՝ ձնախառն անձրև։
+++
ՀՀ ՏԿԵՆ «Ճանապարհային դեպարտամենտ» պետական ոչ առևտրային կազմակերպությունը տեղեկացնում է, որ նոյեմբերի 26-ին՝ ժամը 09:30-ի դրությամբ‚ հանրապետությունում առանց տեղումների եղանակ է։
Միջպետական և հանրապետական նշանակության բոլոր ավտոճանապարհները բաց են:
Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով:
