Լրատվական կայքերից մեկում Աբովյան-Նոր Գյուղ ճանապարհի վերաբերյալ հրապարակման առնչությամբ տեղեկացնում ենք.

Սույն թվականի մարտին ՀՀ տարածքային կառավարման և ենթակառուցվածքների նախարարությունը հայտարարել է Տ-6-38, /Հ-1/ (Աբովյան)-Նոր Գյուղ-Կոտայք-Զառ-Սևաբերդ տեղական նշանակության ավտոճանապարհի կմ0+000-կմ19+200 հատվածի հիմնանորոգման աշխատանքների նախագծերի պատրաստման, ծախսերի գնահատման ծառայությունների ձեռքբերման մրցույթ։

Կնքվել է պայմանագիր նախագծման մրցույթում հաղթած կազմակերպության հետ։ Այժմ նախագծման աշխատանքներն ընթացքի մեջ են։ Նախագծի պատրաստ լինելուց հետո, օրենսդրությամբ սահմանված կարգով ու ժամկետներում փորձաքննություն անցնելուն պես ՀՀ ՏԿԵՆ-ը կհայտարարվի նշված ճանապարհի հիմնանորոգման մրցույթ։

Տեղեկացնում ենք նաև, որ վերոնշյալ ճանապարհը տեղական նշանակության է, որի սպասարկումը «Ճանապարհային դեպարտամենտ» հիմնադրամի հսկողության ներքո չէ։