Հայաստանի ճանապարհային անվտանգության բարելավման ծրագիր
Դրամաշնորհային ծրագրի անվանումը՝ Եվրոպական ներդրումային բանկի աջակցությամբ իրականացվող Հայաստանի ճանապարհային անվտանգության բարելավման ծրագիր։
Համաձայնագրով նախատեսված գումարը՝ 4.250.000 մլն եվրո
Ծրագրի մեկնարկը՝ դեկտեմբեր 2019թ.
Համաձայնագրի փակման ամսաթիվը՝ 21․12․2023թ․
Ծրագրի նպատակը՝ Մի շարք հանրապետական, միջպետական տարածաշրջանային ճանապարհների անվտանգության բարելավում, ինչպես նաև ճանապարհների նախագծմամբ զբաղվող մի շարք հաստատություններում ճանապարհային անվտանգության մասով աուդիտորական կարողությունների զարգացում։
Ակնկալվող արդյունքները՝
Ծրագիրը ներառում է երկու հիմնական ուղղություններ՝ «Ճանապարհային անվտանգության հետ կապված աշխատանքներ և ենթակառուցվածքների բարելավում» և «Տեխնիկական աջակցություն», որոնց շրջանակներում նախատեսված էր հետևյալը․
- 44 «սև կետերի» (վթարավտանգ կետեր) վերացման աշխատանքներ,
- ճանապարհային անվտանգության իրազեկման գովազդային վահանակների տեղադրում,
- ճանապարհային անվտանգության աուդիտի վերապատրաստման դասընթացներ,
- Հայաստանի ճանապարհների նախագծման չափանիշների և ընթացակարգերի վերանայում։
Ճանապարհային անվտանգության հետ կապված աշխատանքներ և ենթակառուցվածքների բարելավում
Ծրագրի այս բաղադրիչը ներառում է 4 առաջադրանք, որոնց շրջանակներում իրականացվել են 6 միջպետական և 4 հանրապետական նշանակության ավտոճանապարհների 47 վթարավտանգ տեղամասերի և միջպետական նշանակության ավտոճանապարհի 38,4 կմ երկարությամբ հատվածի անվտանգության էլեմենտների բարելավման աշխատանքներ։ Ծրագրի 4 առաջադրանքները հետևյալն են․
Առաջադրանք 1
2021թ․ բարելավվել և շահագործման են հանձնվել Մ-5 միջպետական և Հ-8 հանրապետական նշանակության ավտոմոբիլային ճանապարհների 10 «Սև կետեր»։
Առաջադրանք 2
2022թ․ բարելավվել և շահագործման են հանձնվել Մ-2 և Մ-4 միջպետական նշանակության ավտոմոբիլային ճանապարհների 9 «Սև կետեր»։
Առաջադրանք 3 (խումբ 1)
2022թ․ իրականացվել են Մ-3 և Հ69/Հ21 միջպետական և հանրապետական նշանակության ավտոճանապարհների 3 «Սև կետեր»։
Առաջադրանք 3 (խումբ 2)
2023թ․ իրականացվել են Մ-4 և Մ-16 միջպետական ճանապարհների վրա 3 «Սև կետեր» և Մ-4 միջպետական նշանակության ճանապարհի վրա լրացուցիչ շուրջ 38 կմ երկարությամբ հատվածի (լրացուցիչ շրջանակ) անվտանգության տարրերի բարելավման աշխատանքներ։
Առաջադրանք 4
2023թ․ իրականացվել են Մ-2, Մ-3, Մ-12, Հ-1 Հ-17 և Մ5/Հ17 («Նորապատի տրանսպորտային հանգույց») միջպետական և հանրապետական նշանակության ճանապարհների վրա նախանշված 16 «Սև կետերի» և Մ-4, Մ-5 միջպետական ճանապարհների վրա լրացուցիչ 6 «Սև կետերի» շինարարական աշխատանքներ։
Տեխնիկական աջակցություն
Վերապատրաստման դասընթաց
Ծրագրի շրջանակում 2021թ․ օգոստոսին կազմակերպվել է ճանապարհային անվտանգության աուդիտի վերապատրաստման դասընթաց, որի 19 մասնակիցները ստացել են ճանապարհային անվտանգության աուդիտորի որակավորում։
Տեխնիկական հսկողություն
ՀՀ միջպետական և հանրապետական ավտոմոբիլային ճանապարհների վթարավտանգ տեղամասերի բարելավման շինարարական աշխատանքներին զուգահեռ իրականացվում է նաև տեխնիկական հսկողության ծառայությունների մատուցում։
Ճանապարհների նախագծման չափանիշների և ընթացակարգերի վերանայում
Սույն միջոցառման շրջանակներում ՀՀ գործող ճանապարհային անվտանգության ստանդարտների և նորմերի արդիականացման վերաբերյալ 2021թ. կազմակերպվել է աշխատաժողով։ Խորհրդատուի կողմից մշակված փաստաթուղթը շրջանառվել է ՀՀ շահագրգիռ պետական մարմիններում, այնուհետև ընդունվել է «Ճանապարհային դեպարտամենտ» հիմնադրամի կողմից։
Ծրագիրն ավարտվել է 2023թ․ դեկտեմբերին։ Ծրագրի շրջանակներում կապալառու կազմակերպությունների հետ կնքված պայմանագրերի համաձայն, մի շարք բարելավված տեղամասեր գտնվում են թերությունների համար սահմանված պատասխանատվության ժամկետում (երաշխիքային ժամկետ)։